លោក គួច សុខលី ជឿជាក់ចំណុចស្នូលសំខាន់ ពីក្រុមហ៊ុន Domino's Pizza អាចជោគជ័យលើទីផ្សាកម្ពុជា

2015-01-11 13:00:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ហាង Domino’s Pizza រសជាតិលំដាប់អន្តរជាតិថ្មីមកកាន់ទីផ្សារកម្ពុជានឹងចាប់បើកនៅសង្កាត់បឹងកេងកង ១ ក្នុងពេលឆាប់ៗ។ លោក គួច សុខលី ប្រធានក្រុមហ៊ុន CBM Corporation និង ជាតំណាង Domino’s Pizza នៅកម្ពុជា មានទំនុកចិត្តថា អាចជោគជ័យលើទីផ្សានៅកម្ពុជា ដោយផ្អែកលើយុទ្ធសាស្ត្រសំខាន់ៗមួយចំនួន។

ថ្លែងក្នុងសន្និសីទក្នុងសណ្ឋាគារ អាំងទែរកុងទីណង់-តាល់ នាពេលកន្លងមក លោក គួច សុខលីនិយាយថា ដោយសារការជឿជាក់លើបទពិសោធន៍ជាង ៥៤ ឆ្នាំ របស់ Domino ដែលមានជំនាញខាងផ្នែកដឹកជញ្ជូនរហ័សដល់គេហដ្ឋាន បូករួមនឹងរសជាតិពិសេសរបស់ Pizza គុណភាពអាហារ ដែលមានការទទួលស្គាល់ពីអតិថិជននៅជុំវិញទូទាំងពិភពលោក ព្រមទាំងកន្លែងទទួលភ្ញៀវប្រកបដោយផាសុកភាពដល់អតិថិជន លោក សុខលី មានភាពជឿជាក់ថា នឹងមានការផ្លាស់ប្ដូរមុខមាត់ថ្មីលើមុខជំនួញនេះ។

http://youtu.be/2RvliESvsxg

ក្រុមហ៊ុន CBM Corporation និង ក្រុមហ៊ុន Evolution Capital PLC បានចាប់ដៃគ្នានាំយកភីហ្សារសជាតិលំដាប់អន្តរជាតិថ្មីមកកាន់ទីផ្សារកម្ពុជា គឺ Domino’s Pizza។ ក្រុមហ៊ុន Domino's Pizza គឺជា ក្រុមហ៊ុនចែកចាយភីហ្សាលេខមួយប្រចាំពិភពលោក និង មានហាងជាង ១១២៥០ ហាងនៅក្នុងប្រទេសចំនួន ៧៥ ដែលបានបម្រើអតិថិជនរាប់លាននាក់ជារៀងរាល់ថ្ងៃនៅជុំវិញពិភពលោក។ ហើយនេះជាឱកាសសម្រាប់ប្រជាជនកម្ពុជារីករាយ នឹងបទពិសោធន៍ផលិតផល Domino នៅកម្ពុជា៕

សូមអាន ៖ ភីហ្សា Domino ល្បីរបស់អាមេរិក នឹងមានវត្តមាននៅកម្ពុជាឆាប់ៗ អត្ថបទ៖ លឹម សុនា