ថតជាមួយតារាស្រីស្អាតសិចស៊ីប៉ុណ្ណា ក៏ អែនឌី ថា គ្មានអារម្មណ៍...!

2015-01-12 21:58:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ទោះបីជាមានឱកាសបានប៉ះពាល់រាងកាយតារាស្រីស្អាតៗប្រមាណ ៥០ នាក់ ក្នុងជីវិតសិល្បៈតាមរយៈកាយវិការថតម៉ូដែលប្លែកៗយ៉ាងណាក្ដី ប៉ុន្តែ បុរសសង្ហា អែនឌី នៅតែអះអាងថា មិនបានគិតអ្វីផ្សេងក្រៅពីសិល្បៈនោះទេ។

អែនឌី និយាយថា៖ "យើងធ្វើការងារជាមួយគ្នា ទៅណាមកណាជាមួយគ្នា ដូចជាបងប្អូនទៅហើយ មិនបានគិតអ្វីលើសពីនេះទេ"។ តារារូបនេះបន្ថែមថា ការងារសិល្បៈអញ្ចឹងឯង មិនអាចកាត់ផ្ដាច់ពីកាយវិការមួយចំនួនរួមមានការប៉ះពាល់រាងកាយ ឬស្និទ្ធស្នាលលើសពីធម្មតាជាដើម។ មិនថាសិល្បករ ឬសិល្បៈការិនីនោះទេ ត្រូវតែដឹងពីបញ្ហានេះ និងទទួលយកទើបបាន ព្រោះនេះជាសិល្បៈ។

“គិតស្អីកើត បើថតម្ដងៗឈឺចង្កេះចង់ស្លាប់ហើយហ្នឹង បន់ឲ្យតែថតឆាប់ចប់ទេ"។ អែនឌី បញ្ជាក់យ៉ាងដូច្នេះមកកាន់Sabay។

តារាសាច់សមិនចាញ់ស្រីរូបនេះឲ្យដឹងថា ការថតម៉ូដែលតាមរបៀបនេះ មិនមែនជារឿងងាយស្រួលនោះទេ ព្រោះកាយវិការថតនីមួយៗ ត្រូវពត់ពេនខ្លួនតាមស្ទីលប្លែកៗជាមួយតួស្រី ដើម្បីទាក់ទាញការចាប់អារម្មណ៍ពីទស្សនិកជន។ មានន័យថា រាល់ពេលថតជាមួយតួស្រីម្នាក់ ត្រូវបង្កើតស្ទីលផ្សេងៗគ្នា ព្រោះភាពដដែលៗជាសត្រូវនៃកែវភ្នែក។

ជាក់ស្ដែង មួយរយៈចុងក្រោយនេះ គេសង្កេតឃើញមានរូបភាពលេងស្ទីលថតប្លែកៗជាច្រើនជាមួយតារាស្រីល្បីៗ និង ផ្សព្វផ្សាយលើបណ្ដាញព័ត៌មាននានាក្រោយភាពស្ងប់ស្ងាត់មួយរយៈដោយសារមានបញ្ហាសម្រស់ផ្នែកសម្រស់។ ជាមួយគ្នានោះ អែនឌី ក៏កំពុងមមាញឹកថត MV សម្រាប់អាល់ប៊ុមចូលឆ្នាំចិនរបស់ផលិតកម្ម Town ផងដែរ មុនពេលដំណើរទៅសម្ដែងលើទឹកដីសហរដ្ឋអាមេរិកមកដល់៕