“Taken 3” ដណ្ដើមលេខ១ពី "The Hobbit" លើ Box Office សប្ដាហ៍នេះ

2015-01-12 23:34:31
ចំនួនមតិ 0 | ចំនួនចែករំលែក 0

ចន្លោះមិនឃើញ

សប្ដាហ៍នេះ ខ្សែភាពយន្ត "Taken 3” បានជាប់លេខមួយលើតារាង Box Office អាមេរិក បន្ទាប់ពីខ្សែភាពយន្ត "The Hobbit: The Battle of the 5 Armies” បានគ្រងតំណែងនេះ ៣សប្ដាហ៍កន្លងទៅ។

ក្នុងតំណែងលេខមួយនេះ "Taken” វគ្គ៣ អាចរកចំណូលបាន ៤០លានដុល្លារ ពីការបញ្ចាំងនៅអាមេរិក និងកាណាដា រយៈពេល៣ថ្ងៃនាចុងសប្ដាហ៍មុន។ ភាពយន្តបាញ់ប្រហារ ដែលចំណាយដើមទុនផលិតអស់ ៤៨លានដុល្លារនេះ សម្ដែងដោយ តារាវ័យ ៦២ឆ្នាំ Liam Neeson ជាតួអតីតភ្នាក់ងារស៊ើបអង្កេត CIA ឈ្មោះ Bryan Mills។ វគ្គទី ៣នេះបរិយាយនៅពេលដែល Mills ព្យាយាមរត់គេចខ្លួន បន្ទាប់ពីត្រូវចោទប្រកាន់ពីបទឧក្រិដ្ឋមួយដែលគេមិនបានប្រព្រឹត្ត។ ក្នុងវីដេអូ Trailer ភាពយន្តនេះ មានតាំងរូបថតប្រាសាទអង្គរវត្ត និងព្រះបរមរាជវាំងរបស់កម្ពុជាផងដែរ។

ចំណាត់ថ្នាក់ទីពីរបានទៅលើ ខ្សែភាពយន្ត "Selma” ដែលនិយាយពីការទាមទារសិទ្ធបោះឆ្នោតរបស់ប្រជាជនស្បែកខ្មៅ ហើយចំណាត់ថ្នាក់លេខ៣ គឺភាពយន្តរបស់ក្រុមហ៊ុន Disney "Into The Woods”។ ចំណែក "The Hobbit” បានជាប់ចំណាត់ថ្នាក់លេខ៤វិញ ដោយអាចរកចំណូលបានជាង ៩លានដុល្លារ ក្នុងសប្ដាហ៍ទី៤ របស់ខ្លួន។

ខាងក្រោមនេះ គឺជាចំណាត់ថ្នាក់ភាពយន្តកំពូលទាំង ១០លើ តារាង Box Office អាមេរិក (ចំណូលចុងសប្ដាហ៍គិតចាប់ពីថ្ងៃទី៩ ដល់ទី១១ ខែមករា)៖

ល.រ	ចំណងជើងភាពយន្ត	ចំណូលចុងសប្ដាហ៍	ចំណូលសរុប	សប្ដាហ៍ទី
១	Taken 3	៤០លានដុល្លារ	៤០លានដុល្លារ	១
២	Selma	១១,២លានដុល្លារ	១៣,៤លានដុល្លារ	៣
៣	Into the Woods	៩,៧លានដុល្លារ	១០៥,២លានដុល្លារ	៣
៤	The Hobbit: The Battle of the 5 Armies	៩,៤លានដុល្លារ	២៣៦,៥លានដុល្លារ	៤
៥	Unbroken	៨,៣លានដុល្លារ	១០១,៦លានដុល្លារ	៣
៦	The Imitation Game	៧,៦លានដុល្លារ	៤០,៨លានដុល្លារ	៧
៧	Night at the Museum: Secret of the Tomb	៦,៧លានដុល្លារ	៩៩,៥លានដុល្លារ	៤
៨	Annie (2014)	៤,៩លានដុល្លារ	៧៩,៤លានដុល្លារ	៤
៩	The Woman in Black 2: Angel of Death	៤,៨លានដុល្លារ	២២,៣លានដុល្លារ	២
១០	The Hunger Games: Mockingjay - Part 1	៣,៧លានដុល្លារ	៣២៩,៥លានដុល្លារ	៨