ទីបំផុត! នាយ ក្រូច, នាយ ចឺម និង ស្រីអ៊ីត ជួបរឿងសោកស្ដាយនៅដើមឆ្នាំ ២០១៥

2015-01-18 18:11:21
ចំនួនមតិ 0 | ចំនួនចែករំលែក 0

ចន្លោះមិនឃើញ

នាយ ក្រូច កំពុងជួបរឿងគួរសោកស្ដាយមួយនៅដើមឆ្នាំ ២០១៥ នេះ ដោយសារតែគម្រោងចេញទៅសម្ដែងលើទឹកដីសហរដ្ឋអាមេរិកលើកដំបូង ដើម្បីរកលុយឧបត្ថម្ភមន្ទីរពេទ្យគន្ធបុប្ផា ជាមួយប្អូនស្រី និង ក្មួយត្រូវបានផ្អាកទៅវិញមិនកំណត់ពេល។

នាយបានប្រាប់ Sabay ថា ៖ " ខ្ញុំសោកស្ដាយ ព្រោះចង់មើលឃើញស្រុកគេ និង ទៅដើរលេងផងអីផង ជួយសង្គមផង"។ តារាកំប្លែងរូបនេះបន្តថា ដោយសារតែការងារនៅ CTN មានការមមាញឹក ខ្លាំងពេក ទើបថ្នាក់លើមិនអាចរៀបចំដំណើរនេះបាន។ ម្យ៉ាងទៀតដំណើរទៅកាន់ប្រទេសមហាអំណាចខាងលើ ជាការចំណាយរបស់ស្ថានីយទូរទស្សន៍ទាំងស្រុង។

“ខ្ញុំចង់និយាយថា ប្រសិនបើបានទៅមែន គឺមានមនុស្សត្រូវទៅច្រើន ដូច្នេះចំណាយក៏ច្រើនដែរ មានតែរង់ចាំមើលសិន ពេលណាទំនេរ ហើយស្ថានីយអាចមានលទ្ធភាពចំណាយ"។ នាយ ក្រូច បញ្ជាក់យ៉ាងដូច្នេះ។ តារាកំប្លែងមានប្រភពចេញពីទឹកដីភ្នំស្រង់ខេត្តកំពង់ស្ពឺរូបនេះ បានចាត់ទុកថា ការខកខានដូច្នេះ ជារឿងសោកស្ដាយសម្រាប់ដើមឆ្នាំនេះ ព្រោះតាំងពីចាប់ផ្ដើមប្រឡូកក្នុងវិស័យសិល្បៈមក មិនដែលមានឱកាសបានចេញក្រៅនោះទេ។

យ៉ាងណាក៏ដោយ នាយ ក្រូច រង់ចាំមើលឱកាសក្រោយៗទៀត ខណៈកំពុងមមាញឹកសឹងដកដៃមិនរួច ក្នុងការសម្ដែងរឿងឲ្យផលិតកម្ម Rock និង ផលិតកម្ម "អធិមង្គល"។ ក្រៅពីនេះ នាយរួមជាមួយប្អូនស្រី និង ក្មួយប្រុស កំពុងត្រៀមខ្លួនថតចម្រៀងសម្រាប់វ៉ុលចូលឆ្នាំថ្មី ឲ្យផលិតកម្មក្នុងស្រុកមួយ បន្ទាប់ពីបានចុះកិច្ចសន្យារួចហើយ៕

អានអត្ថបទ៖ នី មុន្នីនាថ មិនមានហានចេញក្រៅព្រោះខ្លាចធ្លាក់យន្តហោះ

អានអត្ថបទ៖ សូលីដូ ចេញពី Diamond Music ចូល HD Production

អានអត្ថបទ៖ សំ ជំនាញ