ស្រីស្អាតកាច់រាងយូរពេក ច្រើនតែខកខ្លួន?
- 2015-01-16 15:57:31
- ចំនួនមតិ 0 | ចំនួនចែករំលែក 0
ស្រីស្អាតកាច់រាងយូរពេក ច្រើនតែខកខ្លួន?
ចន្លោះមិនឃើញ
បុរសតែងតែចេញសកម្មភាពសុំស្រឡាញ់នារីមុនជានិច្ច។ អ្នកខ្លះក៏ជោគជ័យភ្លាមៗ អ្នកខ្លះក៏ត្រូវការពេលយូរទើបបានចម្លើយ ប៉ុន្តែមនុស្សស្រីខ្លះកាច់រាង ឬវាយឫក ក្រឆ្លើយពេក អាចនាំឲ្យខកខានឱកាសស្នេហានោះទៅវិញ។ តើការលើកឡើងខាងលើជាការពិត ឬយ៉ាងណា? ជាក់ស្ដែង យុវជន ធារិទ្ធ និស្សិតនៅសាកលវិទ្យាល័យជាតិគ្រប់គ្រង បានឲ្យដឹងថា ពិតមែន ព្រោះខ្លួនមានមិត្តភ័ក្ដិម្នាក់បានតាមស្រឡាញ់នារីម្នាក់អស់៣ ឆ្នាំ តែស្រីម្នាក់នោះព្រមស្រឡាញ់ឬមិនព្រម ក៏អត់និយាយដែរ។ ពេលខ្លះធ្វើជាស្និទ្ធស្នាល ពេលខ្លះធ្វើព្រងើយ។ ដោយសារយូរពេក មិត្តភ័ក្ដិខ្ញុំវាសម្រេចចិត្តស្រឡាញ់អ្នកថ្មី ហើយម្នាក់នោះស្រាប់តែខូចចិត្តតែម្ដង។ ធារិទ្ធ បានបន្ថែមថា៖ “ការរង់ចាំរបស់មនុស្សមានដែនកំណត់ដែរ។ បើឆ្លើយបាន គួរតែឆ្លើយភ្លាមៗទៅ”។
ចំណែក ឯ យុវជន ហេង ពេញអ៊ុន និស្សិតនៅវិទ្យាស្ថានសេដ្ឋកិច្ច និងហិរញ្ញវត្ថុ បានឲ្យដឹងថា ធ្លាប់ឃើញដែរ ព្រោះពេលវេលាអូសបន្លាយធ្វើឲ្យចិត្តមនុស្សប្រែប្រួល។
ចុចអានអត្ថបទ៖ កំហុសតូចៗឲ្យតែប្រុសៗហ៊ាន ដឹងតែអាសន្នស្រីៗក្លាយជាឆ្នាំខ្លា
រូបតំណាង
រីឯ កញ្ញា វុន សុគន្ធា បុគ្គលិកក្រុមហ៊ុនKPG បានឲ្យដឹងថា ជាការពិតមែន ស្រីស្អាតកាចរាង ឬវាយឫកខ្លាំងពេក អាចធ្វើឲ្យចិត្តស្រឡាញ់ក្លាយជាស្អប់ទៅវិញក៏ថាបាន។ ប៉ុន្តែទោះជាយ៉ាងនេះក្ដី ក៏កញ្ញារូបនេះបានបន្ថែមថា៖ “មនុស្សស្រីក៏មិនគួរឆ្លើយលឿនពេកដែរ ព្រោះបុរសៗអាចនឹងវាយតម្លៃវិញថា ជាស្រីចិត្តងាយមិនខាន បើលឿនពេក”។
ដោយ ឡែក កញ្ញា ច័ន្ទ ទេវី អ្នកលក់ដូរនៅផ្សារសុរិយា បានឲ្យដឹងថា មិនមែនកាច់រាងនោះទេ គឺជារឿងនិស្ស័យមនុស្សម្នាក់ៗ។ បើគ្មាននិស្ស័យ គឺមិនអាចស្រឡាញ់ទៅកើតទេ។ បើសិនជាឆ្លើយប្រាប់ថាមិនស្រឡាញ់ភ្លាម ខ្លាចមនុស្សប្រុសនោះខឹង ក្លាយជាគំនុំ ដូច្នេះត្រូវពន្យារពេលសិន។ ទេវី បានបន្ថែមថា៖ “មនុស្សស្រីមិនមែនបេះដូងដែកទេ។ កាលណាបើមានគេតាមៗយូរ ទោះមិនស្រឡាញ់ក៏អាណិតដែរ ដូច្នេះមិនមែនមានន័យថា គេកាច់រាងទេ គ្រាន់តែត្រូវការពេលវេលាពិចារណាច្រើនតែប៉ុណ្ណោះ”។
ចុះអ្នកវិញគិតអីចឹងដែរអត់?
សូមចុចត្រង់នេះ...! ដើម្បីចូលទៅបណ្ដុំអត្ថបទតិចនិចស្នេហាពិសេសៗ អត្ថបទ៖ កង ចាន់បញ្ញា