កំហុសតូចៗឲ្យតែប្រុសៗហ៊ាន ដឹងតែអាសន្នស្រីៗក្លាយជាឆ្នាំខ្លា

2014-12-25 15:10:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងផ្លូវស្នេហា គ្រាដំបូងៗ ប្រហែលជាភាគីខាងប្រុសច្រើនជាង ជាអ្នកព្យាយាមធ្វើឲ្យទំនាក់ទំនងកាន់តែជិតស្និទ្ធឡើង ជិតស្និទ្ធឡើង ហើយនៅនាទីបន្ទាប់ ក៏នៅតែប្រហែលជាខាងប្រុសដដែលជាអ្នកធ្វើឲ្យចំណង ស្នេហ៍ចាប់ផ្ដើមធូររលុងបន្តិចម្ដងៗ ទាំងភ្លេចខ្លួន។ តើការធ្វេសប្រហែសស្រាលៗណាខ្លះ ដែលប្រុសៗមិនសូវចាប់អារម្មណ៍ តែអាចបង្កភាពរកេតរកូតលើវិថីស្នេហ៍ឬក៏ធ្វើឲ្យមិត្តស្រីខ្លួនឆេះដុំ ទាំងនឹកស្មានមិនដល់?

ខ្ជិលខលឬនិយាយទូរសព្ទនឹងនាង

បូរ៉ា បុគ្គលិកអាយធីក្រុមហ៊ុនមួយនៅបណ្ដោយវិថីមុនីវង្សបានលើក ឡើងពីចំណុចនេះថា ៖ “នាងបានចោទខ្ញុំថា ខ្ញុំមិនដែលយល់ពីអារម្មណ៍នាង ខ្ញុំប្រែប្រួលខុសពីដំបូងដែលធ្លាប់តែនិយាយសឹងឆេះទូរសព្ទ ជាមួយនាង។ នាងមិនខ្វល់ថាខ្ញុំរវល់ខ្លាំងឬអត់អីទេ គឺទាល់តែខលទៅម្ង៉ៃពីរបីដងបាននាងមិនសូវរករឿងខ្ញុំ ហើយស្រីៗច្រើនតែបែបហ្នឹងឯង គឺចង់ឲ្យយើងខ្វល់ពីគេគ្រប់ពេល។ ស្រីៗយ៉ាប់ផ្គាប់មែន!”។

កាដូបួនប្រភេទប្រផ្នូលមិនល្អជូនសង្សារក្នុងថ្ងៃបុណ្យណូអែល

ផ្លាស់ប្ដូរទម្លាប់ ស្រីពូកែចំណាំណាស់ មិនដូចប្រុសហីអើហីអើឯណ! និស្សិតឆ្នាំទី៣ផ្នែកធនាគារ ម៉ារ៉ានី ថាកញ្ញាពុំមានភាពកក់ក្ដៅសោះ ពេលដែលមនុស្សល្អបំផុតរបស់ខ្លួនផ្លាស់ប្ដូរទម្លាប់ណាមួយ ភ្លាមៗ។។ កញ្ញាបន្តពន្យល់ដោយញញឹម៖ “គាត់នាំខ្ញុំដើរលេង ជួបខ្ញុំរាល់ដង និងទៅញ៉ាំបាយជាមួយគ្នាឲ្យតែចុងសប្ដាហ៍។ ខ្ញុំគ្មានអារម្មណ៍ល្អទេ ដែលពេលខ្លះគាត់ភ្លេចខ្ញុំ ហើយសូម្បីតែបើខ្ញុំមិនខលទៅទេគឺគាត់ក៏មិនខលមក។ ថ្ងៃសំខាន់ៗ ថ្ងៃកំណើតខ្ញុំក៏គាត់មិនចាំ គាត់មិនទំនេរ គាត់មានពេលជាមួយពួកម៉ាកច្រើនជាងខ្ញុំ ។ ខ្ញុំធ្លាប់ប្រាប់ខ្លួនឯងឲ្យប្ដូរចារឹកចង់ឲ្យគេខ្វល់ ច្រើនហ្នឹងចោល ដើម្បីសោះនឹងពិបាក តែវាស្រួលអីទៅដែលចង់ឲ្យខ្លួនឯងឈប់អើពើមនុស្សយើងគិតហ៎?”។

រប៉ិលរប៉ូចពេលឃើញស្រីៗផ្សេងភ្នែកដូចមឹក “ ខ្ញុំគឺរប៉ិលរប៉ូចបែបហ្នឹង ឲ្យតែឃើញស្រីស្អាតតែងធ្វើជាតាមមើលឲ្យត្លែ។ ខ្ញុំមិនខូចអីចឹងទេ តែចូលចិត្តញោះនាងលេងពេលនៅក្បែរនាង តែពេលទាស់ពាក្យសម្ដីមិនសប្បាយចិត្តនាងតែងចាប់បំណាំថា ខ្ញុំមិនគួរឲ្យទុកចិត្ត ឃើញស្រីមិនបាន ថាស្រឡាញ់ខ្ញុំពិបាកតាមមើលដូចឃ្វាលពពកលើមេឃរេតាមតែខ្យល់។ នាងមិនគិតថាខ្ញុំញោះនាងទេ”។

អន់តិចនិកលួងលោម

”ស្រីណាក៏ដូចស្រីណាដែរ គឺចូលចិត្តឲ្យគេលួងឲ្យគេតាមយកចិត្ត ទោះខ្លួនខុសឬត្រូវមិនខ្វល់ មិនមែនមកបញ្ជោះបន្ថែមទេ។ អាបញ្ជោះបន្ថែម អាធ្វើងងក់សងសឹកភ្លាមៗហ្នឹង កុំចង់ជោរ នរណាក៏ក្ដៅឆេវដែរ គេមិនចង់ជួបមនុស្សចិត្តចុងច្រមុះទេ។ យើងស្រលាញ់យើងលួងគេទៅ មានអស់លុយអី?”។ ក្នុងរូបឆោមស្អាតសាច់សរបៀបកូនកាត់ចិន ស៊ូអឺ និយាយម៉ាត់ៗយ៉ាងចច្រិច លាយឡំសំណើចខឹកៗ។

ហេតុផល៥យ៉ាងអ្នកគួរតែសប្បាយចិត្ត បន្ទាប់ពីបែកបាក់ស្នេហា

សរសើរមនុស្សស្រីផ្សេងនិងចំអន់សង្សារខ្លួនឯង

កំពុងអង្គុយមើលមិត្តភ័ក្ដិវាយសីនៅសាកលវិទ្យាល័យភូមិន្ទភ្នំពេញ សឿន បុគ្គលិកក្រុមហ៊ុនឯកជនមួយបន្លឺកាន់ Sabay ដោយសើចតិចៗ៖ “ដំបូងៗខ្ញុំមិនដែលយកចិត្តទុកដាក់ដែរ ព្រោះដូចជាគ្មានអីធំដំ គួរឲ្យនាងខ្វល់ផងគឺ គ្រាន់តែថាស្រីណាម្នាក់ ស្អាត ស្លូត ថានាងហ្នឹងអញ្ចេះ ថានាងហ្នឹងអញ្ចុះនៅមុខគាត់។ តែដល់តែគាត់ខឹងខ្ញុំ បានគាត់លើកយករឿងហ្នឹងមកស៊កឲ្យខ្ញុំ ថាខ្ញុំ «មើលឃើញគេល្អជាងសង្សារខ្លួនឯងតែរហូតហ្នឹង!» ហើយដល់តាអីចឹងខ្ញុំដូចមិនដឹងនិយាយថាម៉េច បើបកស្រាយគាត់ថាខ្ញុំសម្បូរលេស គាត់សុំចាញ់”។

អត្ថបទ៖ ប៉ែន សុផាន់ណា