ភ្លើងហ្វា ភ្លើងកូដក្នុងស្ថានភាពនិងពេលវេលាបែបណាត្រូវប្រើប្រាស់?

2015-01-16 16:45:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ការយល់ដឹងឲ្យបានច្បាស់លាស់ពីការប្រើប្រាស់ភ្លើងសញ្ញារថយន្ត ចាំបាត់ត្រូវយកចិត្តទុកដាក់សម្រាប់អ្នកបើកបររថយន្តដើម្បីធ្វើឲ្យការបើកបរដំណើរការដោយរលូន និងប្រកបដោយសុវត្ថិភាព។ ការយល់ដឹងពីការប្រើភ្លើងសញ្ញារថយន្ត មិនត្រឹមតែមានប្រយោជន៍សម្រាប់អ្នកបើកបរផ្ទាល់នោះទេ ដោយឡែកសម្រាប់អ្នកប្រើប្រាស់ដងផ្លូវទាំងឡាយក៏គួរយល់ដឹងដើម្បីបង្កាគ្រោះថ្នាក់ដែលអាចកើតឡើងដោយចៃដន្យនោះ។

បន្តទៀតនេះ Sabay នឹងបង្ហាញពីភ្លើងសញ្ញាទាំង ៤ ដែលអ្នកបើកបររថយន្តគួរសិក្សាស្វែងយល់។

@ភ្លើងហ្វា

ភ្លើងហ្វា គេប្រើនៅពេលយប់និងនៅតាមដងផ្លូវដែលគ្មានភ្លើងអគ្គិសនីបំភ្លឺ។ ភ្លើងហ្វាអាចឲ្យអ្នកបើកបរមើលឃើញបានឆ្ងាយ។ ភ្លើងហ្វាគេហាមមិនឲ្យប្រើប្រាស់នៅក្នុងទីក្រុងឬទីប្រជុំជន ដែលមានភ្លើងអគ្គិសនីបំភ្លឺគ្រប់គ្រាន់ លើកលែងតែក្នុងករណីធ្វើសញ្ញាសុំផ្លូវ និងត្រូវប្រើឆ្លាស់ជាមួយភ្លើងកូត។

@ភ្លើងកូត

ភ្លើងកូតប្រើនៅពេលយប់ក្នុងទីប្រជុំជន និងក្រៅទីប្រជុំជន ដែលមានភ្លើងអគ្គិសនីបំភ្លឺគ្រប់គ្រាន់។ គេក៏អាចប្រើភ្លើងកូត នៅពេលថ្ងៃនៅពេលដែលមានអាកាសធាតុមិនល្អ ដូចជាមានភ្លៀងធ្លាក់ខ្លាំង, ចុះអ័ព្ទដែលនាំឲ្យមើលផ្លូវមិនសូវច្បាស់។

@ភ្លើងទីតាំង ឬភ្លើងដឺមី

ភ្លើងដឺមឺប្រើនៅពេលឈប់ ឬចតយានជំនិះ ដើម្បីប្រាប់ដំណឹងដល់អ្នកប្រើប្រាស់ដងផ្លូវដទៃទៀតដឹងពីវត្តមានរបស់យានជំនិះ។

@ភ្លើងសញ្ញាអាសន្ន

ភ្លើងសញ្ញាអាសន្ន ប្រើសម្រាប់ប្រាប់ដំណឹងដល់អ្នកប្រើប្រាស់ផ្លូវទាំងអស់ ឲ្យមានការប្រុងប្រយ័ត្នដូចជានៅពេលរថយន្តមានបញ្ហា, ការអូសសណ្តោង ឬនៅពេលមានការដង្ហែក្បួនជាដើម។

បន្តអាន៖ អស់ទាស់! កូនខ្មែរមួយក្រុមបង្កើតទីផ្សារអនឡាញឈ្មោះថា SnapyShop

បន្តអាន៖ RMA ប្រកាសនាំរថយន្តស្ព័រ Ford Mustang ពីអាមេរិក តម្លៃនិងពេលវេលានៅជាអាថ៌កំបាំង

អត្ថបទ៖ ប៊ុណ្ណារ៉ា