រឿងដ៏សំខាន់ក្រៅពីការរួមភេទដែលស្ត្រីត្រូវដឹងពេលមករដូវ

2014-10-03 15:48:01
ចំនួនមតិ 0 | ចំនួនចែករំលែក 0

ចន្លោះមិនឃើញ

មានភេសជ្ជៈជាច្រើនណាស់ដែលស្រីៗអាចញ៉ាំបានដូចបុរសដែរ សូម្បីតែស្រា។ ប៉ុន្តែគ្រឿងស្រវឹងមិនល្អសោះ សម្រាប់ស្រីទាំងឡាយក្នុងអំឡុងមករដូវ។ តើវាប៉ះពាល់អ្វីខ្លះ? ខាងក្រោមនេះគឺជាការបកស្រាយពីអ្នកជំនាញរោគស្ត្រី។

អ្នក ស្រី ជា ស៊ីណយ គ្រូពេទ្យប្រចាំមន្ទីរពេទ្យបារាយសន្ទុក បានមានប្រសាសន៍ថា ភេសជ្ជៈដែលស្ត្រីត្រូវតមបំផុតពេលមករដូវនោះ គឺស្រា។ អំឡុងពេលមករដូវ ពេលដែលជាតិអាកុលចូលទៅក្នុងខ្លួន វាធ្វើឲ្យសុខភាពរបស់អ្នកប្រឈមនឹងបញ្ហាដូចជារលាកមាត់ស្បូន ឈឺក្រពះ និងធ្វើឲ្យដំណើរនៃវដ្ដរដូវប្រែប្រួល។

វានឹងធ្វើឲ្យអ្នកមានអារម្មណ៍ថាក្ដៅក្នុងខ្លួន ដោយសារចរន្តឈាមដែលរត់នៅក្នុងខ្លួនប្រែប្រួល ជាហេតុធ្វើឲ្យឈាមរដូវធ្លាក់មកច្រើនខុសពីធម្មតា។ កាលដែលឈាមធ្លាក់ច្រើនខុសពីធម្មតា វាអាចធ្វើឲ្យអ្នករលាកមាត់ស្បូនកាន់តែខ្លាំង និងធ្វើឲ្យចុកឈឺផ្នែកខាងក្រោមទៀតផង។

រូបតំណាង (backgroundwallpapershd)

អ្នកជំនាញរូបនេះបានពន្យល់ថា៖ “ធម្មតាមាត់ស្បូនរបស់ស្រ្តីគ្រប់គ្នា សុទ្ធតែរលាកព្រោះវាសើមជា និច្ច គ្រាន់តែកម្រិតស្រាល និងធ្ងន់។ បើសិនជាយើងផឹកស្រាពេលមករដូវទៀត ប្រៀបដូចថែមម្រេចខ្ទឹមលើមុខរបួស ដោយសារឈាមវាធ្លាក់មកច្រើនពេក”។

ដោយឡែក គាត់ក៏លើកឡើងផងដែរថា កំឡុងពេលនោះអ្នកគួរតែឃ្លាតឆ្ងាយពីគ្រឿងស្រវឹង ទោះបីជាផឹកបន្តិចបន្តួចក៏ដោយ។ ប៉ុន្តែអ្នកអាចផឹកវាបាននៅថ្ងៃធម្មតា។ គាត់បន្តទៀតថា៖ “មិនអីទេបើយើងផឹកយូរៗម្ដងនៅថ្ងៃធម្មតា តែអ្នកគួរដឹងថា ការផឹកស្រាវាប៉ះពាល់ដល់ក្រពះពោះវៀន”។

អ្នកគួរផឹកទឹកឲ្យ បានច្រើននៅថ្ងៃមករដូវ ដើម្បីជួយឲ្យឈាមអ្នករត់បានស្រួល និងមិនធ្វើឲ្យខ្សោះជាតិទឹកក្នុងខ្លួន។ ក្រៅពីនេះទៀតនោះ អ្នកគួរញុំាបន្លែបៃតង និងសាច់ឲ្យបានច្រើនផងដែរ៕

សុដន់រីកធំ ជាអត្តសញ្ញាណលាក់មិនជិតថាអស់ព្រហ្មចារី?

អានអត្ថបទពាក់ព័ន្ធនឹង សុខភាព ផ្លូវភេទ និង សម្រស់ សូម ចុចត្រង់នេះ!

យុវវ័យខ្មែរប៉ុន្មាន ភាគរយ ចូលចិត្តមើលរឿងសិច?

អត្ថបទ៖ ផល្លា សុម៉ាលីណា