តិចនិកមានលុយរៀបការដោយខ្លួនឯង មិនពឹងលុយឪពុក-ម្ដាយ

2015-01-24 16:03:40
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសជាច្រើនពេលធំពេញវ័យ អាយុកាន់តែច្រើនហើយមានសង្សារ ចាប់ផ្ដើមគិតរឿងរៀបការ តែបញ្ហាត្រង់ថា ធ្វើម៉េចអាចមានលុយសល់ដើម្បីរៀបចំមង្គលការមួយដោយខ្លួនឯង មិនចាំបាច់ពឹងលុយឪពុក-ម្ដាយ។

ពាក់ព័ន្ធនឹងរឿងនេះ កញ្ញា គី ម៉ាណែត អាយុ ២៣ ឆ្នាំ អ្នករស់នៅខេត្តព្រះសីហនុ បញ្ចេញមតិថា គន្លឹះសំខាន់គឺសន្សំសំចៃ។ បើមិនចេះសន្សំសំចៃទេ ទោះប្រាក់បៀវត្ស ឬចំណូលបានច្រើនសន្ធឹកសន្ធាប់យ៉ាងណា ក៏នៅតែគ្មានប្រាក់សល់សម្រាប់ការប្រពន្ធដែរ។

រូបតំណាង

ងាកមក កញ្ញា ផល្លា អាយុ ២៣ ឆ្នាំ និស្សិតពេទ្យ និយាយថា ចំណុចសំខាន់មួយទៀតគឺ កុំដើរលេង ឬចំណាយច្រើន។ ជីវិតជាមនុស្ស ចៀសមិនផុតពីការជួបជុំ ចំណាយផ្សេងៗលើសម្ភារៈ តែត្រូវកំណត់ថាមួយណាមានអាទិភាពជាង។ ប្រសិនវាមិនសូវសំខាន់ខ្លាំង មិនគួរចំណាយលុយលើវាឡើយ ដូចជាការដើរលេងចុងសប្ដាហ៍ជាដើម មិនគួរញឹកញាប់ពេកទេ។ បន្ថែមពីលើនេះ លោក សត្យា និស្សិតសាកលវិទ្យាល័យភូមិន្ទភ្នំពេញ ប្រាប់ថា ការមានគោលជំហររឹងមាំខ្លួនឯង ក៏ជាចំណុចល្អដែរ ។ ដាក់សំនួរសួរខ្លួនឯង ហេតុអ្វីចាំបាច់មានលុយដើម្បីរៀបមង្គលការដោយខ្លួនឯង? វាមានគុណតម្លៃខុសគ្នាត្រង់ណារវាងយកលុយខ្លួនឯង និង លុយឪពុកម្ដាយចេញប្រាក់ឲ្យសម្រាប់រៀបមង្គលការ? ម៉្លោះហើយនៅពេលបុរសមានឆន្ទៈ ច្បាស់ជាខំប្រឹងដោយខ្លួនឯងធ្វើយ៉ាងណាឱ្យសល់លុយ។

សូមអាន៖ ស្រីស្អាតកាច់រាងយូរពេក ច្រើនតែខកខ្លួន?

ចំពោះកញ្ញា វ៉ាន់ សេដ្ឋា អាយុ២៣ឆ្នាំ និស្សិតសាកលវិទ្យាល័យវ៉ាន់ដា បាននិយាយថា រកការងារបន្ថែម ឬចូលហ៊ុនរកស៊ីបង្កើតមុខរបរ ក៏ជាវិធីអាចបង្កើតប្រាក់ចំណូល ជួយឲ្យមានប្រាក់អាចរៀបការដោយខ្លួនឯងបានដែរ៕

ប្រិយមិត្តយល់យ៉ាងណាដែរ?

អត្ថបទ៖ សុនា