៥ យ៉ាងធ្វើឲ្យកម្លាំងសិចជាមួយដៃគូចុះខ្សោយខ្លាំងរហូតលែងមានអារម្មណ៍

2015-01-25 23:23:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ការរួមភេទចាត់ទុកជាផ្នែកមួយសំខាន់នៃសុភមង្គលក្នុងគ្រួសារ។ អត្រាផិតក្បត់ និងលែងលះ ក៏មានដោយសារតែការរួមភេទខ្សោយពេក តិចពេក។

ទំព័រនេះ Sabay នឹងបង្ហាញពីចំណុច ៥ យ៉ាងដែលធ្វើឲ្យចំណង់ និងកម្លាំងរួមភេទអ្នកចុះខ្សោយ ដើម្បីអាចកែប្រែបាន៖

១. ស្ត្រេស៖ ជាហេតុផលដ៏ធំមួយដែលធ្វើចំណង់សិចស្ទើរគ្មាន និងប៉ះពាល់បុរស-ស្ត្រីរាប់លាននាក់ជុំវិញពិភពលោក។ ស្ត្រេសបណ្ដាលមកពីការងារ ឬបញ្ហាសុខភាព។ កំណត់បញ្ហា និងដោះស្រាយ អ្នកអាចបំបាត់ស្ត្រេស បើមិនអ៊ីចឹងទេវានឹងប៉ះពាល់ដល់សុភមង្គលគ្រួសារ។

២. សេពគ្រឿងស្រវឹង៖ អ្នកដែលផឹកស៊ីជាប្រចាំ ឬអ្នកដែលសេពគ្រឿងស្រវឹងជាប្រចាំមុនពេលរួមភេទដើម្បីឲ្យប្រតិបត្តិការវាយលុកបានយូរ នឹងធ្វើឲ្យចំណង់តម្រេកធ្លាក់ចុះនាពេលខ្លីៗខាងមុខ។

៣. គេងមិនគ្រប់គ្រាន់៖ នៅយប់ៗពេក គេងមិនគ្រប់ សុខភាពខ្សោយ បាក់កម្លាំង ល្ហិតល្ហៃ ប្រាកដណាស់អារម្មណ៍សិចនឹងរលាយបាត់។ ជួបជាមួយគ្រូពេទ្យជំនាញ បើសិនមានបញ្ហាដំណេកមិនលក់។

៤. ការប្រើប្រាស់ថ្នាំ៖ ប្រភេទថ្នាំមួយចំនួន ធ្វើឲ្យបាត់អារម្មណ៍សិចតែម្ដង ក្នុងនោះមានដូចជា ថ្នាំព្យាបាលជំងឺលើសឈាម និងមហារីកជាដើម។ ថ្នាំពន្យារកំណើតមួយចំនួន ក៏រួមចំណែកនេះ។ ជួបគ្រូពេទ្យ បើសិនប្រតិបត្តិការសឹកលើគ្រែអ្នកធ្លាក់ចុះ អំឡុងពេលប្រើប្រាស់ថ្នាំណាមួយ។

៥. ការបាក់ទឹកចិត្ត (Depression)៖ ស្ត្រេសអាចកើតមានរយៈពេលខ្លី ឯការបាក់ទឹកចិត្តវិញនឹងកើតមានរយៈពេលយូរអង្វែង ឬឈានដល់ការធ្វើអត្តឃាតទៀតផង។ ការបាក់ចិត្ត នឹងធ្វើឲ្យអារម្មណ៍សិចអស់រលីង។ ជួបគ្រូពេទ្យខាងចិត្តសាស្ត្រ ដើម្បីព្យាបាលដោះស្រាយ៕

ដោយ៖ សុផាត ប្រភព៖ timesofindia