កូននាយ ឆើត គីសាន់ រ៉ៃយ៉ា សម្ដែងផង រត់រ៉ឺម៉កកង់៣ផង

2015-01-27 00:16:42
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅពីក្រោយអាជីពជាតារាសម្ដែងស្លៀកពាក់ហ៊ឺហាស្ទើររាល់ថ្ងៃនោះ គីសាន់ រ៉ៃយ៉ា គ្រាន់តែជាអ្នករត់រ៉ឺម៉កកង់៣ពេលយប់ម្នាក់ នៅម្ដុំព្រែកប្រាប៉ុណ្ណោះ ដើម្បីរកកម្រៃមកបង្គ្រប់ការចំណាយប្រចាំថ្ងៃរបស់គ្រួសារ។

សកម្មភាពសម្ដែងរបស់ គីសាន់ រ៉ៃយ៉ា កូនប្រុសរបស់តារាកំប្លែងនាយ ឆើត រូបនេះបាននិយាយប្រាប់ថា អាជីពបន្ថែមជាអ្នករត់រ៉ឺម៉កកង់៣ពេលយប់ដូច្នេះ អាចរកកម្រៃបានខ្លះដែរ។ ហើយជួនកាលទៀត រ៉ឺម៉កកង់៣របស់គេ អាចមធ្យោបាយ សម្រាប់ធ្វើដំណើរទៅថតរឿងម្ដងម្កាលទៀតផង។ ព្រោះរូបគេគ្មានប្រាក់ឯណា មកទិញរថយន្តទំនើបដូចតារាផ្សេងទៀតឡើយ បន្ទាប់ពីចំណាយពេលប្រឡូកក្នុងវិស័យនេះជិត១០ឆ្នាំមកនេះ។

រ៉ៃយ៉ា ប្រាប់Sabayថា៖“ មានអី!...បានកង់៣ហ្នឹងហើយ គ្រាន់ហ្នឹងដាក់ខោអាវពេលទៅថតរឿងម្ដងម្កាល និងរត់ពេលយប់គ្រាន់បានលុយខ្លះដែរ ផ្សំគ្នាមួយចំណូលម៉ែលក់បាយ"។

តារាសម្ដែងខាងលើអះអាងថា ខ្លួនគ្មានអ្វីត្រូវខ្មាសអៀននោះទេ ព្រោះនេះលទ្ធភាពជាក់ស្ដែង ដែលគ្រួសារមាន។ ជារឿយៗអ្នកដឹកនាំរឿង ឬអ្នករួមអាជីពផ្សេងទៀត តែងពោលសរសើរចំពោះតារារូបនេះ។ ទោះបីជាឪពុករបស់គេ បានចាប់អាជីពសិល្បៈយូរឆ្នាំហើយក៏ដោយ ក៏ជីវភាពនៅតែលំបាកដដែល គឺបានត្រឹមតែរស់ប៉ុណ្ណោះ និងខ្វះខាតមុខក្រោយទៀតផង។

សកម្មភាពសម្ដែងរបស់ គីសាន់ រ៉ៃយ៉ា ដូច្នេះតារាសម្ដែងរូបនេះ ត្រូវសហការគ្នាជាមួយបងប្អូន ដើម្បីស្វែងរកចំណូលបន្ថែមមិនឲ្យពេលវេលាហួសទៅដោយឥតប្រយោជន៍ឡើយ។ ប្រសិនបើទំនេរពីការសម្ដែង រ៉ៃយ៉ា តែងទាក់ទងតាមផ្ទះល្វែងសង់ថ្មីនានា ដើម្បីម៉ៅការបោសសម្អាតជាថ្នូរទៅនឹងប្រាក់។ រូបគេបញ្ជាក់ថា ដោយសារមានបញ្ហាជីវភាពដូច្នេះ រូបគេនៅមិនទាន់គិតគូររឿងស្នេហានោះទេ៕