ឡើងគីឡូខ្លាំងពេកធ្វើឱ្យ មួយមួយ មិនទាន់ច្បាស់វិលមកកាន់វិថីសិល្បៈវិញ

2015-01-26 18:52:26
ចំនួនមតិ 0 | ចំនួនចែករំលែក 0

ចន្លោះមិនឃើញ

មួយមួយ នៅមិនទាន់ច្បាស់នៅឡើយទេ ពីគម្រោងវិលមកកាន់វិថីសិល្បៈវិញ ព្រោះតែឡើងគីឡូខ្លាំងពេក ក្រោយពីផ្អាកអាជីពមួយនេះជាងមួយឆ្នាំមក។

កញ្ញាប្រាប់ Sabayថា៖"មិនដឹងថ្ងៃណាទេបងព្រោះការងារក្រៅរវល់ច្រើន ហើយណាមួយរាងធាត់ចង់ដូចជ្រូកទៀត ចូលវិញមិនដឹងទៅជាយ៉ាងណាទេ តែឥឡូវជាគ្រាន់ជាងមុនតិចវិញ"។

គីមឡាង ហៅ មួយមួយ បន្ត ភាពស្ងប់ស្ងាត់មួយរយៈធំពីវិស័យសិល្បៈ ព្រោះតែនាងរវល់ការងារសង្គមទាំងក្នុង និងក្រៅប្រទេស។ ជាហេតុធ្វើឱ្យខ្លួនមិនអាចមានពេលមកប្រឡូកសិល្បៈវិញបាន។

មួយមួយ ឡើងគីឡូខ្លាំងក្រោយផ្អាកសិល្បៈជាងមួយឆ្នាំ

យ៉ាងណាក៏ដោយតារាសម្ដែង និងជាតារាម៉ូដែលរូបនេះអះអាងថា នៅតែមានផលិតករ និងផលិតកម្មផ្សេងៗទាក់ទងមកដើម្បីថតរឿង ថតខារ៉ាអូខេ ឬកម្មវិធីផ្សេងៗទៀត ប៉ុន្តែនាងមិនទទួលឡើយ។

ប្រសិនបើភាពធាត់បច្ចុប្បន្នអាចវិលទៅរកភាពដើម ហើយការងារសង្គមជាមួយបងស្រីមិនរវល់ខ្លាំងដូចមុន មួយមួយ ប្រាប់ថា នឹងមានពេលចាប់អាជីពជាអ្នកសិល្បៈឡើង។

ទោះជាប្រឡូកសិល្បៈឡើងវិញតារាសម្ដែងរូបនេះប្រាប់ថា នាងមិនទទួលថតខ្សែភាពយន្ត ព្រោះនាងធ្លាប់និយាយពីមុនមកហើយថា ខ្លាចស្បែកខ្មៅទោះជាទទួលប្រាក់ច្រើនយ៉ាងណាក៏ដោយ។ ទន្ទឹមនឹងនេះកញ្ញាលើកឡើងថា ការថតស្ប៉តពាណិជ្ជកម្មផ្សេងៗ នៅតែទទួលដូចមុនប្រសិនបើមានខាងក្រុមហ៊ុន ឬផលិតកម្មទាក់ទងមក។

“រឿងថតខារ៉ាអូខេ និងភាពយន្តដូចខ្ញុំធ្លាប់ប្រាប់បងអីចឹង ខ្ញុំអត់ទទួលទេ ព្រោះខ្លាចស្បែកខ្មៅ ហើយបើស្ប៉ត គឺខ្ញុំទទួល ព្រោះប្រើពេលតិច និងទទួលចំណូលបានគួរសម"។ មួយមួយបន្ថែម។

អតីតសមាជិក Cambodia Super Model ខាងលើចាត់ទុកថា បើទោះជាសកម្មភាពសិល្បៈមួយរយៈចុងក្រោយហាក់ស្ងប់ស្ងាត់ខ្លាំង តែមិនបានប៉ះពាល់ដល់ប្រជាប្រិយភាពខ្លួនឡើយ។ ក្នុងចំណូលទៀតសោតក៏មិនប៉ះពាល់ដែរ ព្រោះមានការងារខាងក្រៅមានសកម្មភាពច្រើន។

មួយមួយថ្ងៃកាត់ចំណងដៃ ឆ័យលី ដាឡែន

មួយមួយ បានបោះជំហានចូលសិល្បៈក្នុងឆ្នាំ២០០៨ ក្រោយពីមានការជួយជ្រោមជ្រែងពីលោក សាន ផានិត។ មកទល់នឹងពេលនេះនាងមានវ័យ ២៦ឆ្នាំ។ កញ្ញា បានក្លាយជាពិធីការិនីនៅ CTN និងជាសមាជិកក្រុមតារាបង្ហាញម៉ូដ Cambodia Super Model មុននឹងផ្អាកនៅចុងឆ្នាំ២០១៣៕

អានអត្ថបទបន្ត៖ ពេជ្រ អាវីហ្សា ឡើងស៊េរី Lexus 570 ក្រោយបាត់ RX 300 អានអត្ថបទបន្ត៖ ដល់កហើយ អេនឌី រកបានដៃគូថ្មីស្អាតអស់ទាស់…! អានអត្ថបទបន្ត៖ អ្នកគាំទ្រ AOA ក្ដៅក្រហាយរឿង Seolhyun ត្រូវគេ