តោះ...ស្ដាប់អ្នកនាង គង់ សុជាតិ និយាយពី១ឈុតដ៏លេចធ្លោថ្ងៃការ ឆ័យលី ដាឡែន

2015-01-26 22:41:54
ចំនួនមតិ 0 | ចំនួនចែករំលែក 0

ចន្លោះមិនឃើញ

គង់ សុជាតិ បានធ្វើឱ្យមិត្តសិល្បៈរួមអាជីព និងក្រុមអ្នកសារព័ត៌មានចាប់អារម្មណ៍ជាខ្លាំង បន្ទាប់ពីអ្នកនាងស្លៀកសំលៀកបំពាក់ រួមនឹងគ្រឿងអលង្ការដ៏ទាក់ទាញថ្ងៃកាត់ចំណងដៃ ឆ័យលី ដាឡែន និងស្វាមីកាលពីចុងសប្ដាហ៍មុននេះ។

ប្រិយមិត្ត និងមិត្តៗយុវវ័យដឹងថាមួយជុំវិញខ្លួនពិធីការិនីជើងចាស់រូបនេះថ្លៃប៉ុន្មានដែរទេ?

ឈុតដ៏ទាក់ទាញ គង់ សុជាតិ ថ្ងៃកាត់ចំណងដៃ ឆ័យលី ដាឡែន ចុងសប្ដាហ៍មុន

ពិធីការិនី គង់ សុជាតិ ប្រាប់ថាឈុតពណ៌លឿងនាងស្លៀកចូលរួមថ្ងៃកាត់ចំណងដៃ ឆ័យលី ដាឡែន គឺជាប្រភេទឈុតរាត្រីសមោសរ ដែលមានហាង ប៉ារ៉ាឌីជាអ្នកច្នៃឱ្យ។ ដោយឡែកនិយាយពី ចិញ្ចៀន ខ្សែក និងក្រវិល គឺពេជ្រសុទ្ធ កុម្ម៉ង់ពីហាង ពេជ្រគន្ធានៅក្បែរផ្ទះ។

កាបូបដៃដ៏ស្រស់ស្អាត មិនធ្លាប់មានតារាណាកាន់ត្រូវ អ្នកនាង ប្រាប់ថាទិញមកពីជប៉ុន ប៉ុន្តែនាងមិនបានចាំឈ្មោះទេ។ ពិធីការិនីល្បីឈ្មោះរូបនេះមិនបង្ហើបពីតម្លៃមួយជុំវិញខ្លួន ព្រោះខ្លាចទស្សនិកជនរិះគន់ថាអួត ដោយឱ្យប្រិយមិត្តជាអ្នកវាយតម្លៃជំនួសវិញ។

អ្នកនាង គង់ សុជាតិ បញ្ជាក់ថា៖"ប្រសិនបើជាអ្នកចូលចិត្តលែងម៉ូដដូច្នេះ ខ្ញុំគិតគេអាចដឹងតម្លៃហើយ ខ្ញុំមិនបាច់ប្រាប់ទេ ព្រោះវាមិនក្រោមពាន់ៗដុល្លារឡើយ"។

នៅពេលចោទសួរថាតើអ្វីធ្វើឱ្យអ្នកនាង ជ្រើសរើសឈុតរាត្រីសមោសរពណ៌ រួមនឹងគ្រឿងប្លែកពីគេថ្ងៃការតារាចម្រៀង sexy ខាងលើ។ គង់ សុជាតិ ប្រាប់ថា ជាតារាម្នាក់ត្រូវរកអ្វីប្លែក ក៏ដូចជាការទាក់ទាញពីទស្សនិកជន ទាំងការតុបតែងខ្លួន រួមនឹងនិយាយស្ដីផងដែរ។ ប្រការនេះដូចគ្នាទៅនឹង ចំណង់ចំណូលចិត្តរបស់អ្នកនាង ដែលចូលស្លៀកពាក់បែបប្លែកៗខុសពីគេ។