វីដេអូបែបសិចរបស់ Miley Cyrus ត្រូវដកចេញពីការបញ្ចាំងនៅមហោស្រពភាពយន្ត
- 2015-02-12 18:26:38
- ចំនួនមតិ 0 | ចំនួនចែករំលែក 0
វីដេអូបែបសិចរបស់ Miley Cyrus ត្រូវដកចេញពីការបញ្ចាំងនៅមហោស្រពភាពយន្ត
ចន្លោះមិនឃើញ
អ្នកនាំពាក្យរបស់តារាចម្រៀងសិចស៊ី Miley Cyrus បានបញ្ជាក់កាលពីថ្ងៃអង្គារថា វីដេអូខ្លី "Tongue Tied” ដែល Miley Cyrus សម្ដែង នឹងមិនត្រូវបញ្ចាំងក្នុងកម្មវិធីមហោស្រពភាពយន្តសិចនៅទីក្រុងញីវយ៉ក នៅចុងខែនេះឡើយ។
ការបកស្រាយនេះបានធ្វើឡើងរយៈពេលមួយថ្ងៃបន្ទាប់ពីសារព័ត៌មានជាច្រើនចុះផ្សាយថាម្ចាស់បទ "Wrecking Ball” បានផ្ញើវីដេអូរបស់នាងដើម្បីបញ្ចាំងក្នុងកម្មវិធីមួយនេះ។ អ្នកនាំពាក្យរបស់តារារូបនេះបញ្ជាក់ក្នុងសេចក្ដីថ្លែងការណ៍មួយថា "Miley មានមោទនភាពនឹងថតភាពយន្តខ្លីដែលជាស្នាដៃដឹកនាំរបស់ផលិតករល្បី Quentin Jones។ ប៉ុន្តែទាំង Miley និង Quentin មិនមានបំណងយកភាពយន្តនេះចូលរួមក្នុងមហោស្រពរឿងសិចនោះឡើយ"។
គ្រប់ព័ត៌មាន និងរូបភាពពាក់ព័ន្ធនឹងវីដេអូនេះ ក៏ត្រូវបានដកចេញពីវេបសាយ Pornhubដែលជាអ្នករៀបចំមហោស្រពភាពយន្តមួយនេះដែរ។
វីដេអូ "Tongue Tied” ដែលមានរយៈពេល២នាទី បានបង្ហាញពីកាយវិការបែបស្រើបស្រាលប្លែកៗជាច្រើនរបស់ Miley Cyrus ក្នុងឈុតសំលៀកបំពាក់ពណ៌ខ្មៅស្ទើរតែស្រាត។ វីដេអូនេះត្រូវបានថតកាលពីឆ្នាំមុន សម្រាប់ចាក់បញ្ចាំងក្នុងការប្រគំតន្ត្រី "Bangerz Tour” របស់នាង ៕
http://youtu.be/4VjXdWV9H6I
ចុចអាន៖Miley Cyrus បង្ហាញគ្រប់យ៉ាងដាក់ទស្សនាវដ្ដីដោយមិនញញើត
ប្រែសម្រួល៖ វ៉ាន់ថន ប្រភព៖nydailynews