វិលចូលសិល្បៈវិញ វ៉ាង ស្រីណូ បើកជំនួញតាមអនឡាញ

2015-02-21 17:27:17
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីវិលចូលសិល្បៈវិញ តារាស្រី ដែលនៅតែរក្សាតំណែងសិចស៊ីជិត ១០ ឆ្នាំ មកហើយ បានប្រាប់ថា កំពុងតែបើកជំនួញ តាមអនឡាញ ដោយដំណើរការបានយ៉ាងល្អ។

ជំនួញនោះ វ៉ាង ស្រីណូ និយាយថា មានលក់ផលិតផល Cosmetic ដូចជាឡេលាបស្បែក លាបដើមទ្រូង ថ្នាំសម្រករាង និង កាបូប ស្បែកជើង ម៉ាកល្បីៗ ជាច្រើនទៀត។ ផលិតផលទាំងនោះ នាង កុម្ម៉ង់ពីក្រៅប្រទេសទាំងអស់ ដោយមានបងប្អូន ជាអ្នកជួយមើលការខុសត្រូវ។

មូលហេតុដែលនាំឲ្យ ស្រីណូ បើកជំនួញតាមអនឡាញ ហើយនាំសុទ្ធតែផលិតផលល្បីមកលក់បែបនេះ នាងលើកឡើងថា ដោយសារតែបច្ចុប្បន្នជំនួញបែបនេះ កំពុងតែចាប់អារម្មណ៍ខ្លាំងនៅក្នុងប្រទេសកម្ពុជា ព្រោះមនុស្សមានជីវភាពមធ្យមចូលចិត្តប្រើប្រាស់របស់ ស៊ីវិល័យច្រើន។

តារាស្រីដែលធ្លាប់ធ្លាយដំណឹងកើតមហារីកសុដន់ និយាយថា រាល់ថ្ងៃជំនួញរបស់នាងដំណើរការល្អគួរសម ដោយមានអតិថិជនកុម្ម៉ង់ជាបន្តបន្ទាប់។ ស្រីណូ មិនបានប្រាប់ពី ដើមទុននៃការបើកជំនួញនេះឡើយ ដោយនាងសូមរក្សាសិទ្ធិសូមមិននិយាយ។

វ៉ាង ស្រីណូ បានបោះបង់ចោលសិល្បៈជាង ៣ ឆ្នាំ មកហើយ តារាស្រីម្នាក់នេះ ទើបតែត្រឡប់មករកឆ្នាំងចាស់ជាទី ដែលធ្វើឲ្យទស្សនិកជនស្គាល់នាងវិញកាលពី ៤ ទៅ ៥ ខែមុននេះ។ នៅមិនទាន់ឃើញមាន សកម្មភាពធំដុំ នៅឡើយរហូតមកទល់នឹងពេលនេះ ក្រៅពីឡើងច្រៀងនៅតាមកញ្ចក់ទូរទស្សន៍ ក៏ដូចជាថត MV ឲ្យផលិតកម្មក្រៅស្រុកមួយចំនួនតែប៉ុណ្ណោះ។

ចំពោះសំនួរថា តើការរកស៊ីនេះអាចនឹងប៉ះពាល់ដល់ការងារសិល្បៈនាងឬយ៉ាងណានោះ ? ស្រីណូ បាននិយាយថា មិនខ្លាចប៉ះពាល់នោះទេ ព្រោះមានបងប្អូនជួយមើលខុសត្រូវ ។ ចំពោះការថតវិញនោះ នាងបានដាក់កំហិតហើយ គឺថតតែកន្លែងម្លប់ ទៅខេត្តឆ្ងាយមិនទៅទេ ថតច្រើនម៉ោងពេកក៏មិនទទួលដែរ អាចស្ដារកេរ្តិ៍ឈ្មោះដូចដើមឬយ៉ាងណានោះ នាងមិនខ្វល់ឡើយ៕

អត្ថបទ៖ តួជំទាវ ហេង ស្រីពេជ្រ ទីផ្សារសិល្បៈកើនឡើងដើម ២០១៥

អានអត្ថបទ៖ ខាត់ សុឃីម និយាយអ្វីខ្លះពីការស្លៀកពាក់បែបសិចស៊ីក្នុង MV ក្រៅប្រទេស?

អានអត្ថបទ៖ ឆន សុវណ្ណរាជ ថាការសេងហាងកាត់ដេរ មិនពាក់ព័ន្ធជនឆបោកទេ

អត្ថបទ៖ ខុត សីហា