បុរសចំណាស់ដើរទៅធ្វើការជាង៥៦គីឡូម៉ែត្ររាល់ថ្ងៃ រកលុយព្យាបាលប្រពន្ធឈឺ

2015-03-03 18:10:35
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសអាយុ៦១ឆ្នាំម្នាក់ បានដើរទៅធ្វើការចម្ងាយ៣៥ម៉ាយល៍ ឬជាង៥៦គីឡូម៉ែត្រជារៀងរាល់ថ្ងៃ ដើម្បីទៅធ្វើការវេនយប់ រកប្រាក់ចំណូលផ្គត់ផ្គង់ភរិយាដែលឈឺនៅផ្ទះ។

លោក Steven Simoff ធ្វើការនៅកាស៊ីណូមួយកន្លែងក្នុងតំបន់ Osceola រដ្ឋ Iowa តែគាត់រស់នៅទីក្រុង Davis ហើយជារៀងរាល់ថ្ងៃលោកបានចំណាយពេលជាងប្រាំមួយម៉ោងដើរដោយជើងទៅធ្វើការ។ លោកតាត្រូវចំណាយលុយច្រើនចាប់តាំងពីលោកយាយ Renee ទទួលរងជំងឺដាច់សរសៃឈាមខួរក្បាលតាំងពីប្រាំបួនឆ្នាំមុន។

ប្រាក់ចំណូលដែលបានមកពីការធ្វើការនៅកាស៊ីណូក្នុងមួយម៉ោង៩,០៧ដុល្លារ។ លោកតា Simoff បាននិយាយថាក្រុមគ្រួសាររបស់លោកមិនមានលទ្ធភាពជួលផ្ទះដែលមានតម្លៃថ្លៃនៅក្បែរកន្លែងធ្វើការនោះទេ ទើបជួលផ្ទះនៅទីក្រុង Davis ដែលមានតម្លៃត្រឹម៤០០ដុល្លារក្នុងមួយខែ។ លោកមានរថយន្ត Ford Windstar minivan មួយគ្រឿងដែរ តែលោកគ្មានលទ្ធភាពទិញសាំងនោះទេ ដូច្នេះហើយបានជាលោកសម្រេចចិត្តដើរលើផ្លូវដ៏ឆ្ងាយ ពោលគឺលោកត្រូវចេញពីផ្ទះតាំងពីម៉ោង ៣:៣០នាទីល្ងាច ដើម្បីចូលធ្វើការនាម៉ោង១១យប់។