បុរសម្នាក់សុខចិត្តរស់នៅក្នុងរូងភ្នំ ដើម្បីទុកប្រាក់ផ្គត់ផ្គង់គ្រួសារ

2015-03-04 22:35:21
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសវ័យ៣៥ឆ្នាំម្នាក់ ដែលធ្វើការជាកម្មករក្រុមហ៊ុនដឹកជញ្ជូនមួយក្នុងទីក្រុង Jinan ប្រទេសចិន បាននិយាយថាលោកត្រូវរស់នៅក្នុងរូងងងឹត និងចង្អៀតមួយ ជំនួសការរស់នៅក្នុងផ្ទះជួល ប្រហែលប្រាំមួយខែមកហើយ ដើម្បីទុកប្រាក់សន្សំផ្ញើជូនក្រុមគ្រួសារដែលរស់នៅទីក្រុង Handan ខេត្ត Hebei ប្រទេសចិន។

បុរសដែលមានឈ្មោះថា Shi Zhiyong នេះ ជាអ្នករកប្រាក់តែម្នាក់គត់ក្នុងគ្រួសារ ដែលរួមមានឪពុក ម្ដាយ ប្រពន្ធ និងកូនប្រុសពីរនាក់។ Shi បាននិយាយប្រាប់អ្នកសារព័ត៌មានថាការងារជាកម្មករនេះ បានប្រាក់ត្រឹមតែ៤៧៨ដុល្លារប៉ុណ្ណោះក្នុងមួយខែ ហើយត្រូវផ្ញើប្រាក់ ២៨៧ ដុល្លារទៅស្រុកកំណើត ហើយ៣១ដុល្លារទៅសម្រាប់ថ្លៃឈ្នួលទូរសព្ទ និងស្រា តែក្រុមហ៊ុនជួយផ្ដល់អាហារបីពេល។ ដោយសារតែបែបនេះហើយ ទើបលោកសម្រេចចិត្តរស់នៅក្នុងរូងភ្នំ ជំនួសឲ្យការនៅក្នុងផ្ទះជួលដែលត្រូវបង់មួយខែ១៥ដុល្លារ។

ចាប់ពីខែកញ្ញាមក លោកបានប្រាប់គ្រួសារថាស្នាក់នៅក្នុងអន្តេវាសិកដ្ឋានរបស់ក្រុមហ៊ុន ដើម្បីកុំឲ្យគ្រួសារបារម្ភ។ តែធាតុពិត លោករស់នៅក្នុងរូងភ្នំ ដែលត្រូវភ្ញាក់ពីគេងនៅម៉ោង៦ព្រឹក ទៅប្រើបន្ទប់ទឹកក្រុមហ៊ុន ហើយពេលត្រលប់មកវិញត្រូវងូតទឹកក្នុងបន្ទប់ទឹកសាធារណៈនៅជិតរូងភ្នំនោះ៕

ចុចអាន៖អតីតគ្រូបង្រៀន បង្កើតឧបករណ៍តន្ត្រីចម្រុះអូសតាមកង់ ល្បីពេញប្រទេសចិន

ប្រែសម្រួល៖ទ្រី រ៉ាវី ប្រភព៖shanghaiist