ខ្លាចប៉ូលិស ជាងខ្លាចច្បាប់ចរាចរណ៍?

2015-03-10 16:31:25
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកបើកបរយានយន្ត ជាពិសេសយុវវ័យ មួយចំនួនបានធ្វើដំណើរ ដោយបំពានច្បាប់ មិនគោរពផ្លាកសញ្ញាហាមបត់ ជិះហួសភ្លើងស្តុបក្រហម បត់ស្ដាំ ជិះបញ្ច្រាស់ផ្លូវឯកទិស ជិះកិនលើគំនូស ជាដើម ។ ប៉ុន្តែអ្វីដែលគេសង្កេតឃើញ នៅពេលមានប៉ូលិសចរាចរឈរជើង នៅតាមគោលដៅនានា មិនសូវមានអ្នកហ៊ានបំពានទេ ដែលអ្នកទាំងនោះបង្ហាញថា ពួកគេមិនសូវខ្លាចច្បាប់ចរាចរណ៍ទេ តែបែរជាខ្លាចប៉ូលិសចរាចរជាងទៅវិញ។ ស្រប នឹងគំនិតខាងលើ យុវជន ចាន់ សុខឡេង និស្សិតផ្នែកវិទ្យាសាស្ត្រសេដ្ឋកិច្ច នៃសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច បានឲ្យដឹងថា តាមការសង្កេតរបស់ខ្លួន ភាគច្រើនយុវវ័យស្របារៗគាត់ មិនសូវគោរពច្បាប់ចរាចរណ៍ទេ ដូចជាការពាក់មួកជាដើម ព្រោះខ្លាចខូចភ្លឺសក់ តែបើកាលណាឃើញប៉ូលិសភ្លាម អាងជិះបត់ក្រោយវិញភ្លាម ដែលទាំងទង្វើរនេះ បានបង្កឲ្យប៉ះពាល់ដល់ដទៃ។ សុខឡេង បាននិយាយបន្ថែមទៀតថា “អ្នកខ្លះមិនពាក់មួកនោះទេ ពេលឃើញប៉ូលិស ជិះរត់គេច…”។

មិនមែនតែយុវជនទេ ដែលជិះបំពាន សូម្បីតែយុវតី ក៏មានដែរ។ នេះជាការលើកឡើងរបស់ កញ្ញា សែនស្រស់ អាយុ ២០ឆ្នាំ និស្សិតនៃសាកលវិទ្យាល័យជាតិគ្រប់គ្រង។ កញ្ញាបាន ឲ្យដឹងទៀតថា ខ្លួនក៏ធ្លាប់ជិះបំពានដែរ មូលហេតុដោយសារតែប្រញាប់ពេក ឈប់មិនទាន់។ សម្រាប់ហេតុផលនៃ ការមិនគោរពច្បាប់បែបនេះ កញ្ញាប្រាប់ពីមូលហេតុថា ហ៊ានធ្វើបែបនេះ ក៏ព្រោះតែគ្មានប៉ូលិសនៅឈរជើងដែរ បើមានប៉ូលិស កញ្ញា មិនហ៊ាននោះទេ។ ការបំពានច្បាប់បែបនេះ សម្រាប់សង្គមស៊ីវិលដែលធ្វើការជាមួយយុវវ័យលោក ម៉ាក់ ចំរើន ប្រធានសមាគមយុវជនខ្មែរ បានឲ្យដឹងថា មានហេតុផលជាច្រើនដែលនាំឲ្យយុវវ័យបំពានច្បាស់ចរាចរណ៍ ដូចជា ដោយសារតែ មិនចេះច្បាប់ ខ្វះក្រមសីលធម៌ជាដើម។ លោក បានបន្ថែមទៀតថា នៅកម្ពុជា ប្រព័ន្ធច្បាប់គ្រប់គ្រងយានយន្តមិនទាន់តឹងរ៉ឹងនៅឡើយ ហើយការអនុវត្តន៍របស់មន្ត្រីប៉ូលិសចរាចរមិនស្មើគ្នា ដូចជាអ្នកមានទ្រព្យសម្បត្តិឬអំណាច ប្រើរថយន្តទំនើប ជិះខុសហើយ តែពួកគាត់មិនចាប់ទេ ហើយអ្នកក្រប្រើឡានសាមញ្ញទើបគាត់ចាប់ទាំងនេះជាបញ្ហាសង្គម។ ចំពោះ រូបលោកផ្ទាល់ លោកចង់ឲ្យយុវជនទាំងអស់ គួរតែសិក្សាឲ្យបានច្បាស់លាស់ពីផ្លាកសញ្ញាទាំងអស់ហើយចូលរួម អនុវត្តន៍ ដោយគោរពចំពោះប៉ូលិស និងផ្លាកសញ្ញាទាំងនោះ កុំគោរពច្បាប់តែនៅពេលឃើញប៉ូលិសឲ្យសោះ។ លោកវរសេនីយ៍ ចេវ ហាក់ នាយករងការិយាល័យចរាចរជើងគោក រាជធានីភ្នំពេញ បានឲ្យដឹងផងដែរថា ជាការពិតណាស់ បើសិនជាផ្លូវប្រសព្វបំបែកជាបួន មានប៉ូលិសឈរនៅជិតនោះវិញ អ្នកបើកបរមិនហ៊ានបំពានទេ តែបើសិនជាអត់មានវិញ គឺពួកគាត់ចេះតែរុលៗ ហួសគំនូសអ្នកដើរក៏មានដែរ។ លោក បន្តថា មានអ្នកខ្លះទៀត ភ្លើងក្រហមហើយនៅតែជិះកាត់ទៀត សមត្ថកិច្ចបានចែកទ្រូងផ្លូវហើយក៏ពួកគាត់នៅតែបំពានបើកបញ្ច្រាស ចូលទៅក្នុងចំណែកផ្លូវម្ខាងទៀត រូបភាពទាំងនេះវាបានស្ដែងចេញមកនូវឥរិយាបថរបស់អ្នកបើកបរ ។ លោក បានបន្តថា សមត្ថកិច្ចបានកំពុងដោះស្រាយដោយការផាកពិន័យ និងអប់រំដើម្បីឲ្យពួកគាត់បានយល់ដឹងពីច្បាប់ចរាចរណ៍ ដោយមូលហេតុថា ពួកគាត់មិនចេះច្បាប់ ប៉ុន្តែជាមួយគ្នានេះផងដែរ ភាគច្រើនអ្នករស់នៅទីក្រុងភ្នំពេញសុទ្ធតែមានការចេះដឹងពីច្បាប់ ចរាចរណ៍ បានច្រើនតាមរយៈផ្សព្វផ្សាយអប់រំផ្សេងៗ ជាពិសេស មុនពេលប្រឡងយកប័ណ្ណបើកបរ ពួកគាត់ត្រូវតែរៀនច្បាប់ចរាចរណ៍ជាមុនសិន ដូច្នេះមិនមែនគាត់មិនដឹងទេ គឺគាត់បំពានតែម្ដង។ លោក បានបន្តថា ការបំពានច្បាប់មានតិចតួចណាស់គឺប្រមាណតែ ១៣ភាគរយប៉ុណ្ណោះ ភាគច្រើនជាយុវជន និងអ្នករត់ម៉ូតូឌុបតែម្ដង ។ លោកបានបន្ថែមទៀតថា ពួកគេតែងតែបើកដោយបំពានច្បាប់បែបនេះ។ លោកបញ្ជាក់ “រូបភាពនៃការបំពានបែបនេះ បានធ្វើឲ្យធ្លាក់ចុះ កិត្តិនាមប្រទេសកម្ពុជា ដែលជាប្រទេសមានវប្បធម៌ល្អផូរផង់ ដូច្នេះមានតែបងប្អូនប្រជាពលរដ្ឋទាំងអស់ត្រូវគោរពច្បាប់ចរាចរណ៍ ឲ្យបានត្រឹមត្រូវ ដើម្បីលើកកិត្តិយសប្រទេសយើង”៕ អត្ថបទ៖ កង ចាន់បញ្ញា

ពាក្យទាក់ទង

ចរាចរណ៍ស្រុកយើង

អត្ថបទពេញនិយម

គម្រោងស្ពានផ្សារចាស់-ជ្រោយចង្វារ-អរិយក្សត្រ កំពុងស្ថិតក្នុងដំណាក់កាលណាហើយ?

ខែភ្លៀង ត្រៀមឱ្យហើយ! ពេលបើកម៉ូតូកាត់ទឹក ស្រាប់តែរលត់ម៉ាស៊ីន គឺត្រូវធ្វើតាមវិធីទាំងនេះ បើមិនចង់ឱ្យខូចធ្ងន់លើសដើម

ត្រឹម៥ខែប៉ុណ្ណោះ! បដិមាបុរាណខ្មែរជាច្រើន ត្រូវបានជីកកំណាយរកឃើញ និងវិលត្រឡប់ពីបរទេស

ផលិតករ K-Pop ម្នាក់ត្រូវបានកាត់ទោសឲ្យជាប់ពន្ធនាគារពីបទក្លែងខ្លួនជាសមាជិក BTS

Toyota ចាយលុយដល់ ១,៤ពាន់លានដុល្លារ ដើម្បីផលិតរថយន្តអគ្គិសនីកៅអី ៣ជួរ

MG7 ត្រៀមចេញលក់ឆាប់ៗ និងក្លាយជារថយន្តប្រភេទស៊ីឌានមួយគត់មានតម្លៃសមរម្យក្នុងទីផ្សារកម្ពុជា

អត្ថបទថ្មី

ប្រូម៉ូសិនពិសេសជាមួយនឹងការបន្ថែមល្បឿនលឿន និងធំអស្ចារ្យជាងមុនតែតម្លៃនៅដដែលស័ក្តិសមបំផុតសម្រាប់ការប្រើប្រាស់លក្ខណៈគ្រួសារ!

គ្រាន់តែបង្ហើបក៏ដឹងអស្ចារ្យ! ឈុត អូលីវ៉ា ត្រៀមសម្រាប់សិល្បករ និងបុគ្គលមានឥទ្ធិពលទាំង ៥ រូប

អ្នកជំនាញ កំពុងសាកល្បងផ្គុំថ្មទៅតាមលំនាំដើម នៅប្រាសាទជម

អបអរសាទរ វឌ្ឍនៈ ព្រីមៀមបៀរ បានជាប់នៅក្នុងបេក្ខភាពស្រាបៀរល្អផ្ដាច់គេទូទាំងពិភពលោកក្នុងចំណោមស្រាបៀរកំពូលទាំង៥

រវល់ជាមួយការងារប៉ុណ្ណាក៏ដោយ Taylor ឆ្លៀតពេលសាកថ្មជីវិតជាមួយមិត្តប្រុសយ៉ាងផ្អែមល្ហែម

ក្ដីស្រឡាញ់ និងឆន្ទៈចង់ឈ្នះមេដាយជូនជាតិក្រុមកាយវប្បកម្មចំណាយថវិកាផ្ទាល់ខ្លួនមិនតិចទេសម្រាប់ការប្រកួតជើងឯកអាស៊ីអាគ្នេយ៍