Peypey Dy ស្ទុះមិនរួច ពីរឿងឡប់ៗ

2015-03-12 17:35:27
ចំនួនមតិ 0 | ចំនួនចែករំលែក 0

ចន្លោះមិនឃើញ

៥ រឿងហើយ ដែល Peypey Dy បានសម្ដែង បន្ទាប់ពីលោកបានប្រលូកក្នុងវិថីសិល្បៈ កាលឆ្នាំ ២០១៣។ តារារូបនេះ និយាយប្រាប់ Sabay ថា លោកស្ទុះមិនរួចពីរឿង តួឡប់ៗ ឆ្កួតៗ ម្ញ៉ិកម្ញ៉ក់។

Peypey Dy បានរៀបរាប់ឲ្យដឹងថា រឿងដំបូងដែលលោកបានថតមានឈ្មោះថា "ព្រាយបាតបល្ល័ង្ក" បន្ទាប់មកមានរឿង បេសកកម្មមរណៈ, ភូមិគ្រឹះបិសាច, ថាខូចខូចមែន, និង រឿង ព្រលឹង Facebook”។ លោកបានបញ្ជាក់ថា ទាំង ៥ រឿងនេះ អ្នកដឹកនំាសម្ដែង តម្រូវឲ្យលោកដើរតួ ឡប់ៗ ឆ្កួតៗ ម្ញ៉ិកម្ញ៉ក់ ជាដើម មិនដែលបានតួ ល្អៗដូចគេឡើយ។ បែបនេះក្ដី Peypey Dy ពេញចិត្តសម្ដែងតួបែបនេះ ព្រោះអត្តចរិតត្រូវនឹងចរិតពីធម្មជាតិរបស់លោក ហើយ PeyPey Dy នឹងបន្តធ្វើចរិតបែបនេះ បន្តទៅទៀត។

ក្រៅពីថតរឿង Peypey Dy ក៏ធ្លាប់សម្ដែងខារ៉ាអូខេ ថតស្ប៉តពាណិជ្ជកម្ម និង ថតកម្មវិធីទូរទស្សន៍ បានមួយចំនួន ហើយបច្ចុប្បន្នលោកក៏ជា ពិធីករ ឲ្យកម្មវិធីមួយចំនួនផងដែរ។

Peypey Dy ត្រូវបានមហាជនស្គាល់ ចាប់អារម្មណ៍ តារារយៈចរិតជាភេទទី ៣ ក្នុងបណ្ដាញសង្គម។ ប្រជាប្រិយភាពរបស់លោក បានផ្ទះខ្លាំងនៅក្នុងឆ្នាំ ២០១៣ ហើយអ្នកដឹកនាំ រឿងមួយចំនួនហៅលោកទៅសម្ដែងរឿង សាកល្បង និង មានឱកាសបានថត ជាបន្តបន្ទាប់។

មួយរយៈចុងក្រោយនេះ Peypey Dy ប្រាប់ថា មិនទាន់មានផលិតកម្មណា ហៅលោកថតទៀតទេ ប៉ុន្តែ បច្ចុប្បន្នលោកកំពុងតែមមាញឹកធ្វើជា ពិធីករ តាមកម្មវិធីផ្សេងៗ និង ជាប់កុងត្រា ផ្សព្វផ្សាយផលិតផលឲ្យក្រុមមួយចំនួន៕

អានអត្ថបទ៖ មង្គលការសេដ្ឋីខ្មែរ គិត ម៉េង អ្នកកំដរសុទ្ធតែឧកញ៉ា-ជំទាវ-ឈុតកូនក្រមុំ១៤ម៉ូដ ថ្មីទាំងអស់ អានអត្ថបទ៖ សេដ្ឋីផ្នែកសារគមនាគមន៍ គិត ម៉េង ព្រមានលើអ្នកបង្កើតគណនី Facebook ក្លែងក្លាយ

អត្ថបទ៖ ខុត សីហា