សៀវភៅគតិលោកអ្នកប្រាជ្ញខ្មែរជំនាន់ដើមប្រើលើ Android មានគ្រប់វគ្គហើយ
- 2014-10-07 16:47:17
- ចំនួនមតិ 0 | ចំនួនចែករំលែក 0
សៀវភៅគតិលោកអ្នកប្រាជ្ញខ្មែរជំនាន់ដើមប្រើលើ Android មានគ្រប់វគ្គហើយ
ចន្លោះមិនឃើញ
App ថ្មីមួយនៅលើ Play Store អាចឲ្យប្រិយមិត្តអានរឿងក្នុងសៀវភៅ “គតិលោក” ដែលជាសៀវភៅចំណាស់មួយពោរពេញដោយគំនិតល្អៗ បន្សល់ដោយអ្នកប្រាជ្ញខ្មែរពីមុន។ App នេះ ជាស្នាដៃរបស់លោក អ៊ឹង លាងហុង អតីតសិស្សសិក្សាជំនាញព័ត៌មានវិទ្យានៅសាកលវិទ្យាល័យភូមិន្ទភ្នំពេញ។
លាងហុងថា មូលហេតុដែលលោកបានបង្កើត App នេះឡើងដោយសារលោកធ្លាប់អានសៀវភៅគតិលោករបស់អ្នកប្រាជ្ញាខ្មែរជំនាន់ដើមពោរពេញដោយគំនិតល្អៗ ដែលសុទ្ធតែមានន័យអប់រំដល់កូនចៅខ្មែរគ្រប់ៗរូប ក្នុងការសិក្សាស្វែងយល់។
ក្នុង App ថ្មី លាងហុងបានបញ្ចូលសៀវភៅដែលចងក្រងដោយអ្នកប្រាជ្ញខ្មែរលោកឧកញ៉ា សុត្តន្តប្រីជាឥន្ទ ជាបណ្ឌិតអ្នកប្រាជ្ញខ្មែរដ៏ល្បីល្បាញ ដែលលោកបានបន្សល់ច្បាប់ទូន្មានល្អៗជាគតិលោក សម្រាប់កុលបុត្រកុលធីតាខ្មែរត្រិរិះពិចារណា។
លាងហុងបន្តថា បច្ចុប្បន្នមិនសូវមានអ្នកដឹង និងមិនសូវមានអ្នកចាប់អារម្មណសឹងតែភ្លេចមិនដឹងអ្នកណាជាអ្នកបង្កើត សៀវភៅគតិលោក។ លោកពិតជាចង់ចែករំលែកឲ្យកូនខ្មែរទាំងអស់បានដឹងពីច្បាប់ទូន្មានផ្សេងៗដែលមានក្នុងសៀវភៅគតិលោក ដែលបន្សល់ទុកដោយអ្នកប្រាជ្ញខ្មែរ បើទោះបីពួកលោកបានបាត់បង់ជីវិតហើយក្តី ក៏បន្សល់ទុកកេរមរតកនិងបណ្តាំទូន្មានល្អៗដល់កូនខ្មែរជំនាន់ក្រោយ សិក្សាស្វែងយល់សម្រាប់ជាប្រយោជន៍ក្នុងជីវិតរស់នៅប្រចាំថ្ងៃ។
ងាកទៅមើល មនុស្សម្នាក់ៗពិតជាត្រូវការបណ្តុះគំនិត ដូចនេះត្រូវស្វែងយល់ពីគំនិតទាំងនោះ។ ដើម្បីឲ្យមិត្តដទៃទៀតបានស្គាល់”គតិលោក” ទើបលោកបង្កើត App នៅលើ Play Store ដំណើរការលើទូរសព្ទប្រើប្រព័ន្ធប្រតិបត្តិការ Android អាចទាញយកដោយសេរី និង មិនគិតថ្លៃ។
សៀវភៅគតិលោកមាន ១០ ក្បាលតែ App ដែលលាងហុងបង្កើតពីមុនគឺបានចំនួន ៣ ហើយគឺមិនទាន់គ្រប់មេរៀននៅឡើយទេ។ តែឥឡូវលាងហុងខិតខំប្រឹងប្រែងរៀបរៀងរហូតដល់ចប់តាមការសន្យារបស់លោក ។ ជាពិសេសបើសិនមានពេលនឹងបន្តធ្វើដាក់ iOS បន្តព្រោះនេះជាតម្រូវការរបស់បងប្អូនដែលចូលចិត្តគតិលោក។
ប្រិយមិត្តអាចចូលទៅកាន់ Play Store ដោយផ្ទាល់ដោយវាយពាក្យ "Khmer Katelok Collection ” ឬ ក៏ចុចត្រង់នេះ... ដើម្បីទាញយក។
អានអត្ថបទ៖ ស្នាដៃរចនាតួអង្គ Asva The Monkey ឈ្នះពានរង្វាន់នៅប្រទេសជប៉ុន
អានអត្ថបទ៖ ហ្គេមខ្មែរមានការចាប់អារម្មណ៍ពីពលរដ្ឋជប៉ុន
អត្ថបទ៖ ដារ៉ាឆានី
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
