អតីតគូស្នេហ៍ ឈិន ឡុង ត្រូវចាប់ខ្លួន ពីបទល្មើសច្រើនករណី

2015-03-16 15:59:14
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតគូស្នេហ៍របស់ ឈិន ឡុង អ្នកស្រី Elaine Ng វ័យ៤២ឆ្នាំ ត្រូវបានប៉ូលិសចាប់ខ្លួន ពីបទសង្ស័យប្រើអំពើហិង្សាធ្វើបាបកូនស្រីឈ្មោះ Etta Ng ។

Etta Ng ដែលជាកូនស្រី បានប្រាប់បុគ្គលិកសាលារបស់នាងថា ពេលនៅផ្ទះ ម្ដាយនាងតែងតែផឹកស្រា។ ដោយបារម្ភពីសុខភាពម្ដាយ Etta បានទៅសុំឱ្យគ្រូ និងមន្ត្រីធ្វើកិច្ចការសង្គមឱ្យជួយ ហើយនាងថែមទាំងបញ្ជាក់ថា ម្ដាយបានវាយធ្វើបាបរាងកាយខ្លួនផងដែរ ពេលឈ្លោះប្រកែកគ្នា។

ព្រោះបារម្ភពីសុវត្ថិភាព Etta ខាងសាលា បានរាយការណ៍ទៅប៉ូលិស ហើយបើទោះមិនបានរកឃើញស្លាកស្នាម លើរាងកាយ Etta ប៉ុន្តែករណីនេះ នឹងត្រូវតាមដានដោយនាយកដ្ឋានការងារសង្គម។

បន្ទាប់ពីហិង្សាធ្វើបាបកូន តារាសម្ដែង Elaine ត្រូវជាប់សង្ស័យពីបទលាក់ទុកគ្រឿងញៀនក្នុងផ្ទះ។ អំឡុងពេលស៊ើបអង្កេត ប៉ូលិសបានរកឃើញកញ្ចប់ថងតូចមួយក្នុងផ្ទះរបស់នាង ដែលសង្ស័យជាគ្រឿងញៀន ហើយកញ្ចប់តូចនោះត្រូវបានបញ្ជូនទៅកន្លែងពិសោធន៍។ បើតាមការឱ្យដឹងរបស់តុលាការ Elaine នឹងទៅឆ្លើយបំភ្លឺនៅប៉ុស្តិ៍ប៉ូលិស ក្នុងខែឧសភា ឆ្មាំ២០១៥ខាងមុខ។

តារាសម្ដែងវ័យ៤២ឆ្នាំដដែលនេះ បង្កើតបានកូនស្រីម្នាក់ឈ្មោះ Etta Ng ក្នុងឆ្នាំ១៩៩៩ បន្ទាប់ពីមានស្នេហាជាមួយឈិន ឡុង ប៉ុន្តែក្រោយដឹងថានាងមានកូនស្រីម្នាក់ កំពូលតារាក្បាច់គុន បានបដិសេធថា លោកមិនមែនជាឪពុកក្មេងស្រីនេះទេ។ ចិញ្ចឹមកូនតែម្នាក់ឯងក្នុងទីក្រុងប៉េកាំង Elaine បានត្រឡប់ទៅហុងកុងវិញ ដើម្បីបន្តអាជីពជាតារាសម្ដែងវិញ រហូតដល់បច្ចុប្បន្ន៕

ដឹងអត់តារាណានាំក្បាច់គុន “កុងហ្វូ” ឱ្យពិភពលោកស្គាល់មុនគេ?

ហេតុអ្វី ឈិន ឡុង មិនចង់ចូលនិវត្តន៍?

Jay Chou ត្រូវរៀមច្បងឌឺដងផ្លែផ្កា ពេលមិនហៅការ

ប្រែសម្រួល៖ អ៊ុំ សុភក្តិ ប្រភព៖ jaynestars