មេឡូឌីថ្មីសុទ្ធជាង ១០ បទពីឌីជេ ក្ដឹប និង មាស សុខសោភា ត្រៀមចេញលក់ក្នុងពេលឆាប់ៗ

2015-03-16 17:03:35
ចំនួនមតិ 0 | ចំនួនចែករំលែក 0

ចន្លោះមិនឃើញ

តារារ៉េបលេចធ្លោម្នាក់ក្នុងប្រទេស កម្ពុជាឌីជេ ក្ដឹប ត្រៀមនឹងបញ្ចេញចម្រៀងមេឡូឌីថ្មីសុទ្ធជាង ១០ បទ ជាមួយ មាស សុខសោភា ដែលជាការនិពន្ធផ្ទាល់ដៃលក់លើទីផ្សារឆាប់ៗខាងមុខក្នុងផលិតកម្ម Camtrax Music។

ឌីជេរូបនេះ បានបញ្ជាក់ដូច្នេះថា៖"មេឡូឌីថ្មីសុទ្ធបងប្អូន គ្មានចម្លងពីនរណាម្នាក់ទេ ខ្ញុំធ្វើផ្ទាល់ដៃតែម្ដង។ ពីរោះមិនពីរោះពុកម៉ែបងប្អូនកុំប្រកាន់ សំខាន់ខ្ញុំចង់ឱ្យខ្មែរមានតម្លៃ មិនឱ្យបរទេសមាក់ងាយយើងទេ"។

បទចម្រៀងមេឡូឌីថ្មីរបស់ឌីជេ ក្ដឹប និងមាស សុខសោភា ត្រៀមចេញលក់ក្នុងពេលឆាប់ៗ

តួអង្គលេចធ្លោក្នុងរឿង "ទេវតាធ្លាក់ពីលើមេឃ" បន្តថា ចម្រៀងជាមេឡូឌីថ្មីសុទ្ធទាំង ១០បទរបស់លោកនឹងចេញលក់លើទីផ្សារមុនចូលឆ្នាំខ្មែរ ដោយមាន ៨ ចង្វាក់ផ្សេងៗពីគ្នា។ លោកបានប្រើពេលជាង ៣ ខែ ទើបអាចនិពន្ធបទចម្រៀងថ្មីៗទាំងនេះបាន។

ក្នុងចំណោមចម្រៀងទាំង ១០ បទ ខាងលើឌីជេ ក្ដឹប អះអាងថា មាន ៣បទ បកស្រាយរួមគ្នាជាមួយតារាចម្រៀងល្បីឈ្មោះប្រចាំផលិតកម្ម ថោន មាស សុខសោភា។

ការបង្កើតទំនុកច្រៀង និង ទំនុកភ្លេងថ្មីដោយខ្លួនឯង រួមនឹងការសហការជាមួយតារាចម្រៀងល្បីឈ្មោះក្នុងផលិតកម្ម ថោន ខាងលើធ្វើឱ្យ ឌីជេវ័យក្មេងរូបនេះរំពឹង និង ជឿជាក់ជាខ្លាំងថា បទចម្រៀងរបស់ខ្លួននឹងទទួលបានការគាំទ្រច្រើនពីយុវវ័យ និង មហាជនទូទៅ។

ទន្ទឹមនឹងការខ្ពស់ពីស្នាដៃនិពន្ធផ្ទាល់ដៃឌីជេ ក្ដឹប ក៏ស្នើឱ្យទស្សនិកជនជួយគាំទ្រស្នាដៃថ្មី ក្នុងផលិតកម្ម Camtrax Music របស់ខ្លួនផងដែរ ដោយលើកហេតុផលថា ការផ្ដល់កម្លាំងចិត្តពីទស្សនិកជនគឺជាការលើកកម្ពស់វិស័យតែងនិពន្ធក្នុងប្រទេសកម្ពុជា។

ឌីជេ ក្ដឹប ទើបតែបញ្ចប់កុងត្រាជាមួយផលិតកម្ម LD Picture កាលពីពេលថ្មីៗកន្លងទៅ ដោយលោកចេញមកបើកផលិតកម្មផលិតចម្រៀងផ្ទាល់ខ្លួនឈ្មោះ Camtrax Music។ ក្នុងផលិតកម្មថ្មីលោមត្រៀមនឹងចេញលក់ចម្រៀងជាមេឡូឌីថ្មីសុទ្ធនាពេលដ៏ខ្លីខាងមុខ៕

អានអត្ថបទបន្ត៖ ញឹម ចាន់ថន លោកថៅកែចេញលុយធ្វើខួបឲ្យ អានអត្ថបទបន្ត៖ មានគំនិតច្នៃប្រឌិតមែន...!មាន សូនីតា ច្នៃម៉ូដសក់៣ម៉ូដ

អានអត្ថបទបន្ត៖ អីយ៉ាស!…ដួង សុខគា ឆ្នាំនេះ មាន ៤ បទទៀតហើយ

Post by DJ KDEP.

អត្ថបទ៖ អ៊ីង សុឡា