រំលឹក!...តារាវ័យកណ្ដាល ៥ រូប កំពុងលេចធ្លោជាតួឪពុក

2015-03-18 11:45:10
ចំនួនមតិ 0 | ចំនួនចែករំលែក 0

ចន្លោះមិនឃើញ

យ៉ាងហោចណាស់មានតារាប្រុសជើងចាស់៥រូប ត្រូវបានកត់សម្គាល់ឃើញថា នៅតែមានទីផ្សារសម្ដែងជាប់គ្នា រដឹក បើទោះជាបានប្រឡូកក្នុងវិស័យសិល្បៈជាច្រើនឆ្នាំកន្លងមកហើយយ៉ាងណាក្ដី។ គេសង្កេតឃើញថា ភាគច្រើននៃតារជើងចាស់ទាំងនោះ ដើរតួជាឪពុកស្របតាមបទពិសោធន៍ និង វ័យផងដែរ។

១. លោក គង់ សុភី៖ ចូលប្រឡូកក្នុងវិស័យសិល្បៈភាពយន្តតាំងពីកុមារភាពក្នុងអំឡុង ទសវត្សទី ៧០ ហើយគិតរហូតដល់ពេលនេះ លោកសំដែងរាប់រយរឿងហើយ និង ចូលរួមសំដែងភាពយន្តថ្វាយព្រះមហាវីរក្សត្រសម្តេចព្រះនរោត្តម សីហនុ បានជាច្រើនរឿងថតនៅប្រទេសចិន និងប្រទេសកូរ៉េខាងជើង។ (យោងតាមកាសែតកោះសន្តិភាព)

២. លោក ទេព រិនដារ៉ូ៖ ចាប់ផ្ដើមសិល្បៈក្នុងឆ្នាំ១៩៨៩ ក្នុងរឿង"ទឹកភ្នែកសម្ងាត់ក្នុងរាត្រីពណ៌ស្វាយ" និងបន្តរហូតដល់បច្ចុប្បន្ន ដោយចំនួនរាប់រយរឿងផងដែរ រួមទាំងសម្ដែងថ្វាយព្រះមហាវីរក្សត្រសម្ដេចព្រះនរោត្តម សីហនុ។ (យោងតាមសាមីខ្លួន)

៣. លោក ហម ឈរ៉ា៖ ចាប់ផ្ដើមអាជីពជាអ្នកសិល្បៈ ដោយក្លាយជាតួឯកក្នុងរឿង ”សំឡេងទ្រខ្មែរ” របស់ផលិតករ ពាន់ ភូងបុផ្ផា នៅឆ្នាំ ១៩៩៣ និង បន្តរហូតដល់បច្ចុប្បន្ន ក្នុងរឿងដុំ និង រឿងភាគ បានជាង ២០ រឿង បូករួមទាំងរឿង ដែលជាស្នាព្រហស្ដ ព្រះបរមរតនកោដ្ឋ។ (យោងតាមសាមីខ្លួន)

៤. លោក ជា សំណាង៖ ជាតារាភាពយន្តមួយរូបធ្លាប់មានកេរ្តិ៍ឈ្មោះល្បីនាអំឡុងឆ្នាំ ២០០២ ក្នុងរឿងបែបសម័យ និង បុរាណដូចជារឿង "តេជោតំឌិន" និង រឿង "រាជបុរី" ជាដើម។ តារារូបនេះ នៅតែមានប្រជាប្រិយភាពតាមរឿងភាគនានា និងសម្ដែងប្រមាណជិត ១០០ រឿង។ (យោងតាមកោះសន្តិភាព)

៥. លោក សាវីន ហ្វីលីប៖ ចាប់ផ្ដើមសិល្បៈក្នុងឆ្នាំ១៩៩៥ នៅក្នុងរឿង"ស្អប់" ជាមួយអតីតតារាសម្ដែង ខៃ ប្រសិទ្ធ ហើយបន្ទាប់មកក្លាយជាតួឯកក្នុងរឿង" ថ្ងៃរង់ចាំ"។ សាមីខ្លួនបញ្ជាក់ថា រហូតដល់ពេលនេះលោកសម្ដែងបាន ១៥ រឿង និង ជានាយកប្រតិបត្តិមូលនិធិសាវីនកម្ពុជា៕