Google ផលិតបច្ចេកវិទ្យាពោងសុវត្ថិភាពខាងមុខរថយន្ត ដើម្បីការពារអ្នកដំណើរ
- 2015-03-25 19:10:44
- ចំនួនមតិ 0 | ចំនួនចែករំលែក 0
Google ផលិតបច្ចេកវិទ្យាពោងសុវត្ថិភាពខាងមុខរថយន្ត ដើម្បីការពារអ្នកដំណើរ
ចន្លោះមិនឃើញ
ក្រុមហ៊ុន Google ទទួលបានប៉ាតង់ថ្មី អំពីការផលិតប្រព័ន្ធពោងសុវត្ថិភាពនៅផ្នែកខាងមុខរថយន្ត ដើម្បីអាចការពារអ្នកដំណើរនៅខាងមុខបានមួយកម្រិតធំ ពេលត្រូវរថយន្តបុក។
ក្រុមហ៊ុន Google បានឱ្យដឹងថា នៅផ្នែកខាងមុខរថយន្តនឹងបំពាក់ដោយពោងខ្យល់និងជ័រមួយប្រភេទមានភាពរលាស់យឺតនិងស្វិត (Visco-elastic material) ភ្ជាប់ផ្ទាល់ទៅនឹងកាងរថយន្តផ្នែកខាងមុខ។ ប្រព័ន្ធសុវត្ថិភាពនេះមាន Sensor ដែលអាចត្រដាងពោងខ្យល់ដោយស្វ័យប្រវត្តិនៅពេលដឹងថា រថយន្តនឹងបុកអ្វីមួយ។ នៅពេលរថយន្តបុកអ្នកដំណើរ ពោងសុវត្ថិភាពរលាស់ហើយបែក តែនៅមានជ័រស្វិតមានភាពរលាស់យឺតមួយជាន់ទៀត ដែលភ្ជាប់នឹងកាងរថយន្ត ដើម្បីជួយសម្រាលកម្រិតនៃការប៉ះទង្គិចរវាងរថយន្តនិងជនរងគ្រោះ។
បច្ចេកទេសក្នុងការប្រើពោងសុវត្ថិភាពដូចការរៀបរាប់ខាងលើ រួមនឹងជ័រស្វិតមានភាពរលាស់យឺតបែបនេះ គឺដើម្បីកុំឱ្យជនរងគ្រោះខ្ទាតប៉ើង ពេលប៉ះទង្គិចនឹងរថយន្ត។ ទោះជាយ៉ាងណាក្រុមហ៊ុន Google ពុំបានបញ្ជាក់ច្បាស់ថា ប្រព័ន្ធពោងសុវត្ថិភាពនេះនឹងត្រូវយកបំពាក់លើរថយន្តគ្មានមនុស្សបើក (Google Driveless Car) របស់ខ្លួន ឬយ៉ាងណានោះទេ។
កន្លងមកក្រុមហ៊ុនផលិតរថយន្តមួយរបស់ប្រទេសស្វីស Volvo ក៏បានបង្ហាញពីបច្ចេកវិទ្យាពោងសុវត្ថិភាពនៅខាងមុខរថយន្តស្រដៀងគ្នានេះដែរ តែប្រព័ន្ធសុវត្ថិភាពនោះមិនបានបំពាក់ដោយជ័រស្វិតមានភាពរលាស់យឺតជាប់នឹងកាងរថយន្តនោះឡើយ៕
អាន៖ អគារថ្មីរបស់ Google ឃើញហើយពិតជាចង់ទៅទស្សនាមែន!
អាន៖ Mercedes-Benz F 015 ទំនើបដល់ម្ល៉ឹង នរណាឃើញក៏ចង់ជិះ!
ប្រែសម្រួល៖ ប៉ែត ផាន់និត