រឿង "កំណប់ឪខ្ញុំ" ផ្ដើមបញ្ចាំង ៦ រោងភាពយន្ត

2015-03-30 12:00:34
ចំនួនមតិ 0 | ចំនួនចែករំលែក 0

ចន្លោះមិនឃើញ

រឿង "កំណប់ឪខ្ញុំ" ផ្ដើមចាក់បញ្ចាំងចំនួន ៦ រោង ស្របពេលដែលទស្សនិកជនកំពុងកក់សំបុត្រចូលទស្សនាបណ្ដើរៗហើយ។ នេះបើតាមការអះអាងរបស់ លោក វ៉ន ប៊ុនស៊ីម ចាងហ្វាងផលិតកម្ម Mega Film។

ផលិតករភាពយន្តខាងលើបានប្រាប់ Sabay ថា ក្រោយការសម្ពោធជាផ្លូវការប៉ុន្មានថ្ងៃមុន មានការកត់សម្គាល់ឃើញថា មានសន្ទុះនៃការគាំទ្រគួរឱ្យចាប់អារម្មណ៍ និង មានអ្នកកក់សំបុត្រចូលទស្សនាជាបន្ដបន្ទាប់។ លោកអះអាងថា៖ "យោងតាមព័ត៌មានចេញពីរោងភាពយន្ត Major Cineplex គឺ មានអ្នកកក់សំបុត្រច្រើន ទុកដល់ពេលពួកគាត់ទំនេរ"។

ចំណែក រោងភាពយន្ត Platinum Cineplex, រោងភាពយន្ត Legend ទាំង ៣ ទីតាំង និង រោងភាពយន្តលុច្សចាប់ផ្ដើមចាក់បញ្ចាំង កាលពីថ្ងៃទី ២៧ ខែមីនា កន្លងទៅ។ ផលិតករ វ៉ន ប៊ុនស៊ីម បន្ថែមថា "កំណប់ឪខ្ញុំ" នឹងនាំចាក់បញ្ចាំងតាមខេត្តនៅអំឡុងខែ ឧសភា ខាងមុខ។

ដោយឡែក ក្រោយបញ្ចប់ការបញ្ចាំងនៅក្នុងប្រទេសផលិតកររូបនេះបញ្ជាក់ថា នឹងនាំយកភាពយន្តបង្ហាញពីទេសភាពដ៏អស្ចារ្យនៃចម្ការដូងប្រេងប្រទេសកម្ពុជា ទៅចាក់បញ្ចាំងនៅសហរដ្ឋអាមេរិក និង អូស្ត្រាលី ដើម្បីឱ្យប្រជាពលរដ្ឋខ្មែរនៅទីនោះបានទស្សនា។ លោកអះអាងថា៖"ចំណូលបានពីការចាក់បញ្ចាំងនៅទីនោះ ខ្ញុំនឹងបញ្ចូលក្នុងមូលនិធិដើម្បីជួយវិស័យភាពយន្តខ្មែរយើង"៕

អានអត្ថបទ៖ Sweet អីយ៉ាងនេះ ភរិយា មូន ម៉ារ៉ា ធ្វើវីដេអូស្ដីពីកំណើតស្នេហ៍ដំបូងរហូតដល់ថ្ងៃការ

អានអត្ថបទ៖ មិនគួរឲ្យជឿ មាស រចនា អង្គុយមើលទូរទស្សន៍សុខៗ គេទូរសព្ទហៅទៅធ្វើតារាចម្រៀងអាជីព