គ្រឿងសម្អាងពាក់កណ្ដាលនៅវៀតណាមជាផលិតផលក្លែងក្លាយ
- 2015-04-06 20:55:02
- ចំនួនមតិ 0 | ចំនួនចែករំលែក 0
គ្រឿងសម្អាងពាក់កណ្ដាលនៅវៀតណាមជាផលិតផលក្លែងក្លាយ
ចន្លោះមិនឃើញ
សារព័ត៌មាន Vietnam News របស់ប្រទេសវៀតណាម បានចុះផ្សាយនៅថ្ងៃនេះថា ផលិតផលថែរក្សាសម្ផស្សរហូតដល់ទៅពាក់កណ្ដាលនៅក្នុងប្រទេសវៀតណាម គឺជារបស់ក្លែងក្លាយ ដែលក្លែងបន្លំតាមម៉ាកផលិតផលល្បីៗ។
ជិត ៥០ភាគរយ នៃផលិតផលថែរក្សាសម្ផស្សដែលកំពុងចរាចរលើទីផ្សារវៀតណាម គឺរបស់ក្លែងក្លាយ។ នេះបើតាមស្ថិតិរបស់អង្គភាពកម្មសិទ្ធិបញ្ញា នៃប្រទេសវៀតណាម។ អង្គភាពនេះ បានបញ្ជាក់ថា ផលិតផលថែរក្សាសម្ផស្សគ្មានគុណភាព និងក្លែងក្លាយ កំពុងគំរាមកំហែងដល់សុខភាពអ្នកប្រើប្រាស់យ៉ាងខ្លាំង។
មន្ត្រីវៀតណាម នឹងជំរុញឲ្យមានការត្រួតពិនិត្យបន្ថែមទៅលើឧស្សាហកម្មផលិតផលថែរក្សាសម្ផស្ស។ នេះបើតាមកាសែត Ha Noi Moi ដកស្រង់សម្ដីអ្នកតំណាងមកពីរដ្ឋបាលឱសថ នៃប្រទេសវៀតណាម។
ផលិតផលគេចពន្ធ និងរោងចក្រផលិតគ្រឿងសម្អាងខុសច្បាប់ជាច្រើន ត្រូវប្រទះឃើញកាលពីពេលថ្មីៗនេះ។ ករណីថ្មីបំផុត ត្រូវរកឃើញដោយអង្គភាពឃ្លាំមើលផ្សារហាណូយ កាលពីថ្ងៃសៅរ៍សប្ដាហ៍មុន។
អង្គភាពឃ្លាំមើល បានធ្វើការត្រួតពិនិត្យទៅលើតូបចំនួន៥ របស់ក្រុមហ៊ុន Xuan Thuy Cosmetics Ltd រឹបអូសបានគ្រឿងសម្អាង និងផលិតផលពាក់ព័ន្ធចំនួន ១០ម៉ឺន។ អង្គភាពឃ្លាំមើល ក៏បានបញ្ជូនគំរូផលិតផលរឹបអូសទៅប៉ូលិស ដើម្បីធ្វើតេស្តផងដែរ។ តាមអង្គភាពឃ្លាំមើលដដែលនេះ បានបង្ហាញថា កាលពីឆ្នាំមុនផលិតផលគ្រឿងសម្អាងចំនួន ១៦៤០០០ នៅក្រុងហាណូយ ត្រូវរកឃើញថាមិនមែនជាផលិតផលដើម៕
ចុចអាន៖ វៀតណាមបកស្រាយរឿងចាក់មេរោគអេដស៍ចូលក្នុងស៊ុតមុនដាក់លក់
ចុចអាន៖ វៀតណាមព្រួយបារម្ភរឿងផ្លែឈើនាំចូលគ្មានគុណភាព
ប្រែសម្រួល៖ គង់ វិសាល ប្រភព៖ vietnamnews
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
