Luhan ត្រូវ Fan រិះគន់ថា មុខអាក្រក់ក្រោយចេញពី SM

2015-04-06 23:28:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ទោះជម្លោះរវាង Luhan និងផលិតកម្ម SM Entertainment មិនទាន់ដោះស្រាយចប់នៅឡើយ តែតារារូបនេះ បានធ្វើសកម្មភាពសិល្បៈនានាក្នុងប្រទេសចិន។ យ៉ាងណាថ្មីៗនេះ ការបង្ហាញខ្លួនរបស់ Luhan ក្នុងវីដេអូពាណិជ្ជកម្មទឹកដោះគោមួយ ធ្វើឱ្យអ្នកគាំទ្ររិះគន់ថា មុខរបស់លោកប្រែជាអាក្រក់ ក្រោយចេញពី SM។

ក្នុងវីដេអូពាណិជ្ជកម្មដដែល តារាសម្ដែង ចម្រៀងចិន Luhan បញ្ចេញកាយវិការផ្សព្វផ្សាយយ៉ាងទាក់ទាញ។ ទោះជាយ៉ាងណា ក្រោយវីដេអូនេះធ្លាយទៅដល់កូរ៉េខាងត្បូង ក្រុមអ្នកលេងអ៊ីនធឺណិត បានបង្ហាញប្រតិកម្ម មិនពេញចិត្តភ្លាមៗ។

ពួកគេនាំគ្នាបញ្ចេញមតិ លើរូបសម្រស់តារារូបនេះថា “Luhan សង្ហាណាស់ ពេលនៅជាមួួយក្រុម EXO។ គាត់ក្លាយជាបែបនេះ ពេលត្រឡប់ទៅចិនវិញ។ វិធីផាត់មុខរបស់ចិន ពិតជាបំផ្លាញសម្រស់ Luhan មែន ហើយគាត់ប្រែមានមុខមាត់អាក្រក់ បន្ទាប់ចេញពីផលិតកម្ម SM Entertainment”។

ទោះជាយ៉ាងនេះក្ដី របាយការណ៍របស់សារព័ត៌មានចិន កាលពីម្សិលមិញបានឱ្យដឹងថា មានអ្នកគាំទ្រខ្លះបានគាំទ្រប្រឆាំងនឹងអ្នករិះគន់ថា "Luhan មិនបានផ្លាស់ប្ដូរអ្វីទាល់តែសោះ។ មនុស្សទាំងនោះ ច្រណែននឹងគាត់។ មើលទៅគាត់សង្ហាជាង ជនជាតិកូរ៉េដែលបានវះកាត់ទៅទៀត ហើយប្រជាជនចិនធម្មជាតិ មើលទៅស្រស់ស្អាត យើងមិនចាំបាច់ពឹងលើការផាត់មុខទេ"៕