Key សមាជិក SHINee ជីដូនស្លាប់ចំថ្ងៃខួបកំណើត

2014-10-08 22:50:43
ចំនួនមតិ 0 | ចំនួនចែករំលែក 0

ចន្លោះមិនឃើញ

សមាជិកក្រុមចម្រៀង SHINee គឺ Key បានចែករំលែកព័ត៌មានដ៏ក្រៀមក្រំដល់ប្រិយមិត្តរបស់ខ្លួនថា ជីដូនរបស់គេបានស្លាប់កាលពីពីរសប្ដាហ៍កន្លងទៅចំថ្ងៃខួបកំណើតរបស់ខ្លួនតែម្ដង។

កាលពីថ្ងៃទី ៥ តុលាកន្លងទៅ Key បាន Share រូបថតមួយសន្លឹកនៅលើគណនី Instagram របស់គេដោយសរសេរថា៖ "ស្វាគមន៍ដល់អ្នកដែលយកចិត្តទុកដាក់ចំពោះក្រុមរបស់ខ្ញុំទាំងអស់។ ខ្ញុំគឺ Key។ ខ្ញុំមិនដឹងថា គួរនិយាយបែបណាទេ... ដោយសារខ្ញុំមានធុរៈផ្ទាល់ខ្លួនកាលពីថ្ងៃទី ២៤ កន្លងទៅ ខ្ញុំមិនអាចនិយាយពាក្យនេះដោយផ្ទាល់ ព្រោះជីដូនរបស់ខ្ញុំបានស្លាប់កាលពីថ្ងៃទី ២៣ កញ្ញាកន្លងទៅនេះ"។

តារាចម្រៀងវ័យ ២៣ ឆ្នាំបានបន្តថា "គាត់ជាមនុស្សដែលចិញ្ចឹមបីបាច់ និងស្រឡាញ់ខ្ញុំបំផុត ខ្ញុំនៅតែមិនជឿថា គាត់ទៅចោលខ្ញុំបែបនេះសោះ។ វាពិតជាមិនគួរឲ្យជឿដែលខ្ញុំបែរជាត្រូវសរសេរពីរឿងនេះនៅមុនពេលប្រគំតន្ត្រីទេសចរណ៍ និងតន្ត្រីរបស់ SMTOWN ទៅវិញ តែឥលូវខ្ញុំសរសេរវាហើយ។

ទោះជាយ៉ាងណា Key បានប្ដេជ្ញាថា នឹងខិតខំហ្វឹកហាត់ឲ្យបានខ្លាំងជាងមុន និងញញឹមដើម្បីអ្នកគាំទ្រ ពិសេសគឺលោកយាយរបស់គេអាចមើលឃើញគេពីឋានសួគ៌ដោយរីករាយ។

នៅថ្ងៃខួបកំណើត និងជាថ្ងៃដែលលោកយាយរបស់ Key បានស្លាប់ គេបានបង្ហោះរូបមេឃមួយសន្លឹក ដែលគ្មាននរណាម្នាក់ដឹងពីអត្ថន័យរបស់វាទេ ទើបតែពេលនេះទើបគ្រប់យ៉ាងត្រូវបានទម្លាយឲ្យដឹងដោយសាមីខ្លួនផ្ទាល់៕

អាន៖ ១០ឈុតសិចស៊ី ពីស្រីស្អាត Choa ក្រុម AOA មើលហើយមានអារម្មណ៍…

ប្រែសម្រួល៖ សីហា ប្រភព៖ Lollipop