ការប្រើប្រាស់អ៊ីនធឺណិតនៅកម្ពុជាកើនឡើង និងសម្រួលជីវភាពរស់នៅប្រជាជន

2015-04-10 23:06:50
ចំនួនមតិ 0 | ចំនួនចែករំលែក 0

ចន្លោះមិនឃើញ

អ៊ីនធឺណិតបានក្លាយជាផ្នែកមួយដ៏សំខាន់នៃជីវិតរស់នៅប្រចាំថ្ងៃរបស់ប្រជាជនកម្ពុជាក្នុងយុគសម័យបច្ចេកវិទ្យាកំពុងរីកចម្រើនទៅមុខឥតឈប់ឈរ។ វត្តមានអ៊ីនធឺណិតបានជួយសម្រួលដល់ការរស់នៅ និងការសិក្សារបស់យុវជនកម្ពុជា ខណៈចំនួនអ្នកប្រើប្រាស់កើនឡើងគួរឲ្យកត់សម្គាល់។

ក្នុងពិធីធ្វើបទបង្ហាញពីលទ្ធផលការស្រាវជ្រាវស្ដីពី "សេរីភាពបញ្ចេញមតិលើប្រព័ន្ធព័ត៌មានវិទ្យា និងការចូលរួមនយោបាយនៅកម្ពុជា" នៅមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ (CCIM) កាលពីព្រឹកមិញនេះ អ្នកស្រាវជ្រាវមកពីស្ថាប័នមួយនេះឲ្យដឹងថា ចំនួនអ្នកប្រើប្រាស់អ៊ីនធឺណិតនៅកម្ពុជាបានហក់ឡើងយ៉ាងរហ័សដល់ ៣១% ក្នុងឆ្នាំ ២០១៤ កន្លងទៅ។ ចំនួនអ្នកប្រើប្រាស់ក្នុងឆ្នាំ ២០១៤ កើនឡើងពី ៣,៨ លាននាក់ក្នុងឆ្នាំ ២០១៣ ដល់ប្រហែល ៥ លាននាក់ ឬស្មើនឹង ៣៣% នៃចំនួនប្រជាជនសរុប។

លើសពីនេះទៅទៀត ការស្រាវជ្រាវដដែលក៏រកឃើញថា អ៊ីនធឺណិតផ្ដល់អត្ថប្រយោជន៍យ៉ាងសំខាន់ក្នុងជីវភាពរស់នៅ ការចូលរួមក្នុងសង្គម និងអាជីពរបស់អ្នកប្រើប្រាស់។ អ្នកចូលរួមក្នុងការស្រាវជ្រាវ ៧៥% បានឲ្យដឹងថា ការទទួលព័ត៌មាន ការសិក្សាស្រាវជ្រាវ និងការងាររបស់ពួកគេមានភាពងាយស្រួលជាងមុនតាមរយៈព័ត៌មានដែលពួកគេអាចរកបាននៅលើអ៊ីនធឺណិត។

មធ្យោបាយប្រើប្រាស់អ៊ីនធឺណិតសំខាន់ជាងគេរបស់អ្នកប្រើប្រាស់កម្ពុជាគឺ ទូរសព្ទស្មាតហ្វូន។ ចំនួនអ្នកចូលរួម ៧៧,៧% នៃចំនួនអ្នកចូលរួមសរុបឆ្លើយថា ពួកគេប្រើទូរសព្ទដើម្បីប្រើប្រាស់អ៊ីនធឺណិតព្រោះវាមានភាពងាយស្រួលក្នុងការយកតាមខ្លួនជាងឧបករណ៍ផ្សេងទៀត។

បើទោះជាចំនួនអ្នកប្រើប្រាស់មានការកើនឡើងក្នុងចំនួនដ៏ច្រើនក៏ពិតមែនតែការប្រើប្រាស់អ៊ីនធឺណិតដើម្បីទិញ-លក់ទំនិញ (E-Commerce) នៅលើអនឡាញដ៏ពេញនិយមនៅប្រទេសដែលមានបច្ចេកវិទ្យាជឿនលឿនមិនសូវជាពេញនិយមក្នុងចង្កោមអ្នកប្រើប្រាស់កម្ពុជាឡើយ។ មានម្នាក់ក្នុងចំណោមបីនាក់នៃអ្នកចូលរួមប៉ុណ្ណោះដែលនិយាយថា ពួកគេធ្លាប់ទិញ-លក់ទំនិញនៅលើអនឡាញ។

ការប្រើប្រាស់បណ្ដាញសង្គមដើម្បីទទួលយកព័ត៌មាន ចែករំលែកចំណេះដឹងតាមរយៈបណ្ដាញសង្គមក៏ជាចំណុចចាប់អារម្មណ៍ដែរ។ ការសិក្សារកឃើញថា Facebook ជាបណ្ដាញសង្គមដ៏មានប្រជាប្រិយភាពជាងគេនៅកម្ពុជា ដោយក្នុងនោះអ្នកចូលរួមបួននាក់ក្នុងចំណោមប្រាំនាក់ប្រាប់ថា ពួកគេបើកមើល Facebook ច្រើនដងក្នុងមួយថ្ងៃៗ៕

អត្ថបទ៖ សីហា

ពាក្យទាក់ទង

ព័ត៌មានបច្ចេកវិទ្យាក្នុងស្រុក

អត្ថបទពេញនិយម

ផ្ទុះការភ្ញាក់ផ្អើលខ្លាំង!ចំពោះវត្តមាន ហុងដា SCOOPY ស៊េរីថ្មី របស់ក្រុមហ៊ុនអិនស៊ីអិច ទើបតែចេញក្តៅៗ

លោកគ្រូពេទ្យឯកទេសខាងជម្ងឺបេះដូងនិងសសៃឈាម៖ "កាត់បន្ថយហានិភ័យនៃជំងឺបេះដូងបានរហូតដល់ 80% ប្រសិនបើអ្នកផ្លាស់ប្តូររបៀបរស់នៅ និងអាហារូបត្ថម្ភរបស់អ្នកយ៉ាងសកម្ម

ប្រៀបធៀប Onana និង De Gea រដូវកាល២០២៤-២០២៥

ជំនឿផ្សេងៗទាក់ទងរឿងញាក់ត្របកភ្នែកតាមម៉ោង

ស្កាយបារ ល្បីៗទាំង ៧ កន្លែង នៅទីក្រុងភ្នំពេញ សម្រាប់គយគន់ថ្ងៃលិច មើលទេសភាពដងទន្លេមេគង្គ

ចរិតបែប Sassy ប៉ុន្តែម្ចាស់ហាងអាហារ ល្បីថាជាជនជាតិខ្មែរម្នាក់នេះ ល្បីខ្លាំងលើ TikTok

អត្ថបទថ្មី

ចំណុចទាំងនេះហើយ ធ្វើឲ្យ ព្រាប សុវត្ថិ នៅតែឈរលើដំណែងតារាចម្រៀងជួរមុខលំដាប់ប្រទេស

វេទិកាថ្នាក់ជាតិស្ដីពី «ការងារ និងមុខរបរប្រកបដោយបរិយាបន្នសម្រាប់ជនមានពិការភាព» លើកទី៥ ផ្ដល់ឱកាសជនមានពិការភាពជួបនិយោជក និងទទួលបានព័ត៌មានការងារ

ក្រុមហ៊ុនកូកាកូឡា ក្លាយជាម្ចាស់ជយលាភីពានរង្វាន់មាសឧស្សាហកម្មបៃតងកម្ពុជា ឆ្នាំ២០២៤

ភាពតស៊ូរបស់លោកស្រី សៅ កុសល៖ ដំណើរឆ្ពោះទៅចំណុចស្នូលនៃការងារផ្នែកលក់របស់ ក្រុមហ៊ុន ហ៊ិននីគែន ខេមបូឌា

កម្មវិធី "បេះដូងអច្ឆរិយ" ជិះកង់ ជុំវិញបឹងទន្លេសាប កាត់ខេត្តចំនួន ៦ ដើម្បីរៃអង្គាសថវិកាជួយដល់កុមារ កម្ពុជា