តារាជើងចាស់ សរសើរ ទឹម រដ្ឋា មិនដាច់ពីមាត់

2015-04-22 15:33:57
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាជើងចាស់ លោក ទេព រិនដារ៉ូ បានសរសើរអត្តចរិតរបស់កញ្ញា ទឹម រដ្ឋា ថាជាតារាម្នាក់មិនឆ្មើងឆ្មៃ និង មិនចេះបោះបង់មិត្តចាស់។ ការលើកឡើងរបស់ លោក ទេព រិនដារ៉ូ បែបនេះ ក្រោយពីតារាចុងទសវត្ស ៨០ ធ្លាប់ជួបតារាថ្មីជាច្រើនដែលផ្លាស់ប្ដូរអត្តចរិតក្រោយពីល្បី និង មានបាន ហើយបានចាត់ទុកថា ការផ្លាស់ប្ដូរបែបនេះ គឺជា រឿងមិនល្អក្នុងសង្គមសិល្បៈ។

សូមចុចអាន៖ ទេព រិនដារ៉ូ បង្ហើបតិចនិករក្សាមិត្តភាពជិត ៣០ ឆ្នាំ ជាមួយ អម្ពរ ទេវី

លោក ទេព រិនដារ៉ូ ដែលធ្លាប់ជាអ្នកបើកបរយន្តហោះ បានប្រាប់គេហទំព័រ Sabay កាលពីពេលថ្មីៗនេះថា "ខ្ញុំសូមសរសើរប្អូនរដ្ឋា គាត់តាំងពីមុនម៉េច ឥឡូវអញ្ចឹង អត់មានប្រែប្រួល មិនដូចតារាមួយចំនួនទេ ពេលបានល្បី ហើយពេលខ្លះមានអីហ្នឹងគេនិយាយចេញមក គឺមិនដូចពីមុនទេ។ ខ្ញុំមិនដឹងម៉េច តារាថ្មីមួយចំនួនឥឡូវហ្នឹង!”។ លោក ដារ៉ូ ក៏បានស្នើឲ្យតារាផ្សេងទៀតយកគំរូតាមនាង។

កញ្ញា ទឹម រដ្ឋា កើតនៅថ្ងៃទី ៧ មករា ឆ្នាំ១៩៨៦ នៅកណ្ដាលទីរួមខេត្តបាត់ដំបង។ តារាសម្ដែង និង ម៉ូដែល មានកម្ពស់ ១៧០សង់ទីម៉ែត្រ គឺជា កូនស្រីច្បងក្នុងចំណោមបងប្អូនបីនាក់ (ប្រុស ១ ស្រី២)។ នាងមានឈ្មោះដើមថា ធិ ទឹមរដ្ឋា។

ទឹម រដ្ឋា បានទទួលការណែនាំ ឲ្យចូលប្រលងក្នុងការប្រកួតបវរកញ្ញាឯកព្រីដស្តុន នាឆ្នាំ២០០៤ ហើយបានទទួលចំណាត់ថ្នាក់លេខ២។ មិនយូរប៉ុន្មាន នាងក៏មានឱកាសត្រូវអញ្ជើញឲ្យចូលថត ក្នុងខ្សែរឿងជាបន្តបន្ទាប់ រហូតក្លាយជាតារាមានកេរ្តិ៍ឈ្មោះមកទល់នឹងពេលបច្ចុប្បន្ននេះ៕

សូមចុចអាន៖ ទឹម រដ្ឋា បេះដូងនៅឈឺ ស្នេហាទី ២ ចាំគិតមើលសិន

សូមចុចអាន៖ អេនឌី និងទឹម រដ្ឋា លេងឈុតសិចស៊ីជាមួយគ្នាទៀតហើយ

អត្ថបទ៖ ប៊ិន ប៊ុណ្ណា