ជម្រើសជាតិកម្ពុជា ទៅប្រកួតមិត្តភាពអន្តរជាតិនៅម៉ាឡេស៊ី ថ្ងៃទី ១៨ កញ្ញា ខាងមុខ
- 2014-09-16 16:09:06
- ចំនួនមតិ 0 | ចំនួនចែករំលែក 0
ជម្រើសជាតិកម្ពុជា ទៅប្រកួតមិត្តភាពអន្តរជាតិនៅម៉ាឡេស៊ី ថ្ងៃទី ១៨ កញ្ញា ខាងមុខ
ចន្លោះមិនឃើញ
ក្រុមបាល់ទាត់ជម្រើសជាតិកម្ពុជា នឹងចេញទៅប្រកួតមិត្តភាពកម្ដៅសាច់ដុំ ជាមួយម្ចាស់ផ្ទះម៉ាឡេស៊ី នៅថ្ងៃទី ១៨ កញ្ញា ខាងមុខ តាមជើងហោះហើរភ្នំពេញ-កូឡាឡាំពួរ វេលាម៉ោង ៥:១០ នាទីល្ងាច។ នេះបើតាមការឱ្យដឹងរបស់លោក ឆាំង ពិសិដ្ឋ អ្នកចាត់ការទូទៅក្រុមជម្រើសជាតិកម្ពុជា។
លោកថា ថ្ងៃនោះដែរ ក្រុមកម្ពុជានឹងចាកចេញពីជុំរុំហ្វឹកហាត់ក្នុងមជ្ឈមណ្ឌល និង សាលាបាល់ទាត់ជាតិបាទី នៅវេលាម៉ោង ២ រសៀល ហើយធ្វើដំណើរឆ្ពោះទៅកាន់ប្រលានយន្តហោះអន្តរជាតិភ្នំពេញ ផ្ទាល់តែម្ដង។ លោក Lee Tae Hoon នឹងដឹកនាំកីឡាករសរុបចំនួន ២០ នាក់ និង មន្ត្រីសរុប ៨ នាក់ចេញទៅចូលរួមប្រកួតនៅក្រៅប្រទេសលើកនេះ។
ក្រុមជម្រើសជាតិកម្ពុជា
ក្រុមកម្ពុជា នឹងប្រកួតមិត្តភាពជាមួយម្ចាស់ផ្ទះម៉ាឡេស៊ី នៅថ្ងៃទី ២០ កញ្ញា វេលាម៉ោង ៧:៤៥ នាទី យប់ (ត្រូវនឹងម៉ោង ៦:៤៥ នាទីនៅកម្ពុជា) ក្នុងកីឡដ្ឋាន Stadium Shah Alam (Shah Alam) នៃទីក្រុង Selangor។
អត្ថបទពាក់ព័ន្ធ៖ កម្ពុជា បានត្រឹមស្មើ ក្រុមលីកស្ម័គ្រចិត្តអាជីពជប៉ុន ២-២ កាលពីរសៀលថ្ងៃនេះ
ទាំងក្រុមកម្ពុជា និង ម៉ាឡេស៊ី សុទ្ធតែប្រកួតកម្ដៅសាច់ដុំរៀងខ្លួនត្រៀមចូលរួមប្រកួតក្នុងពានរង្វាន់ AFF Suzuki Cup នាចុងឆ្នាំ ២០១៤ នេះ ស្របពេលក្រុមកម្ពុជាត្រូវប្រកួតវគ្គជម្រុះនៅប្រទេសប្រទេសឡាវ តែក្រុមម៉ាឡេស៊ី ត្រូវនៅវគ្គចែកពូល។
ក្នុងជំនួបមិត្តភាពអន្តរជាតិថ្មីៗ នេះក្រុមម៉ាឡេស៊ី បានចាញ់ម្ចាស់ផ្ទះឥណ្ឌូណេស៊ី ក្នុងលទ្ធផល ២ ទល់ ០ កាលពីថ្ងៃទី ១៤ កញ្ញា។ ចំណែកក្រុមកម្ពុជា បានប្រកួតស្មើក្រុមជម្រើសលីកស្ម័គ្រចិត្តអាជីពមកពីជប៉ុន ២ ទល់ ២ កាលពីថ្ងៃទី ១៣ កញ្ញា៕
អត្ថបទ៖ ម៉ឺន រស្មី
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
