លទ្ធផលសប្ដាហ៍ទី៣ នៃពានរង្វាន់ Khmer Real Estate-Cup
- 2015-04-28 16:41:09
- ចំនួនមតិ 0 | ចំនួនចែករំលែក 0
លទ្ធផលសប្ដាហ៍ទី៣ នៃពានរង្វាន់ Khmer Real Estate-Cup
ចន្លោះមិនឃើញ
ពានរង្វាន់បាល់ទាត់មិនអាជីព Khmer Real Estate-Cup 2015 ដែលមានក្រុមចូលរួមដល់ទៅ ២០ ក្រុម រៀបចំនៅ ២ ទីលានផ្សេងគ្នា បានឆ្លងកាត់ការប្រកួតអស់ ៣ សប្ដាហ៍មកហើយ ដោយនៅសល់ ៦ ប្រកួតទៀតមុនស្វែងរកក្រុមទៅវគ្គបន្ទាប់។
ការប្រកួតនាពេលកន្លងទៅនៅទីលានដំរីស
ក្រុមទាំង ២០ ចែកជា ២ ពូល ដោយពូល A មាន ១០ ក្រុមត្រូវប្រកួតនៅទីលាន My Team (ម្ដុំពោធិចិនតុង) និង ពូល B មាន ១០ ក្រុមដូចគ្នា ប្រកួតនៅទីលានដំរីស (ម្ដុំសាកលវិទ្យាល័យមេគង្គកម្ពុជា)។
លោក គីម ហ៊ាង អគ្គនាយកក្រុមហ៊ុនខ្មែររៀលអ៊ីស្ទេត ដែលជាអ្នកផ្ដួចផ្ដើមបង្កើតពានរង្វាន់នេះឡើង បានលើកឡើងថាមូលហេតុចម្បងដែលនាំឱ្យលោកបង្កើតពានរង្វាន់នេះឡើង គឺព្រោះតែទឹកចិត្តស្រលាញ់បាល់ទាត់ និង ចង់ផ្ដល់ឱកាសឲ្យកីឡាករមិនអាជីពបានចូលបង្ហាញសមត្ថភាព ដើម្បីសុខភាពល្អ បង្កើតទំនាក់ទំនងល្អរវាងមន្ដ្រី ឬបុគ្គលិកតាមក្រុមហ៊ុនឯកជន អង្គការ និងស្ថាប័នផ្សេងៗ ក្នុងន័យលើកស្ទួយវិស័យកីឡាបាល់ទាត់ជាតិ នៅរាល់ថ្ងៃចុងសប្ដាហ៍។ ប្រភពខាងលើបន្ថែមថា នៅឆ្នាំលោកត្រៀមផ្ដល់រង្វាន់លើកទឹកចិត្តដល់ក្រុមពីចំណាត់ថ្នាក់លេខ ១ ដល់ លេខ ៤, ក្រុម Fair Play និង កីឡាករដែលទាត់បាល់បញ្ចូលទីច្រើនជាងគេ (Top Score)។ គណៈកម្មការរៀបចំការប្រកួតតម្រូវឱ្យខ្លាំងទាំង ៤ មកពីពូលទាំង ២ មានឈ្មោះឡើងទៅប្រកួតវគ្គ ៨ ក្រុមចុងក្រោយ ហើយត្រូវបន្តជម្រុះរហូតដល់វគ្គផ្ដាច់ព្រ័ត្រ ដើម្បីរកឃើញម្ចាស់ជើងឯក ឆ្នាំទី ៥ នេះតែម្ដង។
អត្ថបទពាក់ព័ន្ធ៖ លីកបាល់ទាត់មិនអាជីពទេ តែអាជ្ញាកណ្ដាលប្រើវិទ្យុទាក់ទងមិនចាញ់តំបន់អឺរ៉ុប
សម្រាប់លទ្ធផលពូល A នៅសប្ដាហ៍ទី៣ នេះលើទីលាន My Team៖ -HPL ៨ – ២ Prey Sala FC -Basak ០ – ២ TyGi FC -Ambru FC ២ – ០ Khan posenchey -Canteen FC ២ – ៦ Christia Tour -Union FC ១ – ៩ Khmer United ចំណែកលទ្ធផលពូល B នៅទីលានដំរីស៖ -ក្រុម V.Train ៥ – ១ ក្រុមខ្លាស -ក្រុម RFL ២ – ៣ Anvaya -ក្រុមណារីតា ១១ – ០ ហេងអាស៊ី -ក្រុម Y FC ៤ – ៣ Goodhill -Nissay ២ – ០ Multimedia អត្ថបទ៖ ម៉ឺន រស្មី