ខ្លាំងផ្នែកបច្ចេកវិទ្យា មិនប្រាកដរៀនចេះចប់ជំនាញបច្ចេកវិទ្យា

2015-04-29 20:45:54
ចំនួនមតិ 0 | ចំនួនចែករំលែក 0

ចន្លោះមិនឃើញ

អត្ថបទមុន Sabay បានចុះមួយលេខពីយុវជននិងកូនខ្មែរ ដែលបានសាងស្នាដៃដ៏លេចធ្លោលើវិស័យបច្ចេកវិទ្យាធ្វើឲ្យមានការកោតសរសើរពីពលរដ្ឋគ្រប់មជ្ឈដ្ឋាន។ ប្រិយមិត្តមួយចំនួនគិតថា ការបង្កើតបានស្នាដៃដ៏អស្ចារ្យរបស់ពួកគេ ដោយសារពួកគេទទួលការសិក្សាជំនាញដ៏ស៊ីជម្រៅផ្នែកបច្ចេកវិទ្យា ទើបធ្វើឲ្យពួកគេមានសមត្ថភាពអាចសម្រេចបានលទ្ធផលដ៏លេចធ្លោនេះបាន។ ប៉ុន្តែមិនអីចឹងទេ ខាងក្រោមនេះជាអ្នកដែលល្បីថាខ្លាំងខាងបច្ចេកវិទ្យា ប៉ុន្តែក៏មិនបានសិក្សាពីជំនាញនេះដល់កម្រិតខ្លាំងដែរ។

លោក ញាន ផល្លឹក ដែលបានបង្កើតរថយន្តខ្មែរដំបូងគឺរថយន្តអង្គរ បានបញ្ចប់ការសិក្សាត្រឹមថ្នាក់ទីមួយទំនើប (សម័យសង្គមចាស់)។ លោកមិនបានសិក្សាស៊ីជម្រៅដល់ថ្នាក់ជំនាញផ្នែកបច្ចេកវិទ្យាពីសាលានានា ក្រៅពីការសិក្សារៀនតៗពីគ្នានិងការអនុវត្តការងារដោយផ្ទាល់។

លោក ដាញ់ ហុង ជាពលរដ្ឋខ្មែរកម្ពុជាក្រោមដែលជាស្ថាបនិកបង្កើតអក្សរខ្មែរយូនីកូដ។ លោកបានសិក្សាជំនាញផ្នែកច្បាប់នៅសាកលវិទ្យាល័យ Ho Chi Minh City ខុសពីសមត្ថភាពដែលលោកអាចបង្កើតស្នាដៃបច្ចេកវិទ្យាដ៏លេចធ្លោសម្រាប់ប្រទេសកម្ពុជា។

លោក គង់ ផារិទ្ធ អ្នកដែលរកឃើញវិធីសាស្រ្តក្នុងការទាញថាមពលព្រះអាទិត្យបម្លែងជាថាមពលអគ្គិសនីបានបញ្ចប់ការសិក្សាជំនាញគ្រប់គ្រង។ ប៉ុន្តែលោកប្រាប់ថា ដោយសារតែលោកមានចំណង់ចំណូលចិត្តផ្នែកបច្ចេកទេសតាំងពីក្មេង រួមទាំងការបានសិក្សាស្វែងយល់និងអនុវត្តបានធ្វើឲ្យលោកឈានទៅសម្រេចលទ្ធផលដែលលោកមិននឹកស្មានដល់។