ឮថាតារាចិន-ហុងកុងល្បីៗ ចូលសម្ដែងភាពយន្ត "Furious 8"
- 2015-05-04 16:39:01
- ចំនួនមតិ 0 | ចំនួនចែករំលែក 0
ឮថាតារាចិន-ហុងកុងល្បីៗ ចូលសម្ដែងភាពយន្ត "Furious 8"
ចន្លោះមិនឃើញ
ស្របពេលខ្សែភាពយន្ត “Furious 7” កំពុងដំណើរការចាក់បញ្ចាំងតាមរោងភាពយន្ត ស្រាប់តែប៉ុន្មានថ្ងៃមុននេះ លេចឮព័ត៌មានថា “Furious 8” នឹងមានវត្តមានតារាសម្ដែងចិន-ហុងកុង ល្បីៗមួយចំនួនចូលរួម។
Nicholas Tse
យោងតាមសារព័ត៌មានចិនចុះផ្សាយថា មានចចាមអារ៉ាមជាច្រើនដែលថាតារាអាស៊ីល្បីៗច្រើនរូបនឹងចូលរួមសម្ដែងក្នុងខ្សែភាពយន្តក្រោយនេះ។ ពួកគេទាំងនោះមានដូចជា តារាហុងកុង Nicholas Tse, Andy On តារាចិន Vincent Zhao និង Wu Jing។
ក្រោយដឹងដំណឹងនេះ អ្នកគាំទ្រជាច្រើន បានសម្ដែងក្ដីរីករាយ ហើយសង្ឃឹមថា តារាសំណព្វពួកគេនឹងមានឱកាសថតរឿងជាមួយ តារាល្បីអាមេរិក Vin Diesel។
ក្នុងសន្និសីទកាសែតក្នុងទីក្រុងប៉េកាំង កាលពីខែមុន ផលិតករ និងតារាជួរមុខ Vin Diesel បានឱ្យតម្រុយថា លោកអាចនឹងថតរឿង "Fast & Furious" ជំនាន់ក្រោយ ក្នុងទីក្រុងហុងកុងព្រោះចិនជាទីផ្សារដ៏ធំ ហើយរឿងនេះទំនងនឹងចាក់បញ្ចាំងតាមរោងភាពយន្ត នៅឆ្នាំ២០១៧។
ខ្សែភាពយន្ត “Furious 7” ក្លាយជាភាពយន្តរកចំណូលបាន២ពាន់លានយន់ប្រហែលជាង ៣២១ លានដុល្លារអាមេរិក ច្រើនបំផុតក្នុងប្រទេសចិន ចាប់តាំងពីបញ្ចាំងលើកដំបូង រហូតមកដល់ពេលនេះ។
មានតែរង់ចាំមើលទាំងអស់គ្នាទេថា វគ្គក្រោយរបស់ "Fast & Furious" នេះមានវត្តមានតារាចិនឬអត់?
Vincent Zhao
Andy On
Wu Jing
កំពូលភាពយន្ត Avengers: Age of Ultron មកដល់ហើយ
“Furious 8″ នឹងចាក់បញ្ចាំងនៅឆ្នាំ២០១៧
ប្រែសម្រួល៖ អ៊ុំ សុភក្តិ ប្រភព៖ Asianpopnews