ឧបករណ៍ជំនួយកាមេរ៉ា Smartphone សម្រាប់ថតរូប និងវីដេអូបានច្បាស់
- 2015-05-11 21:21:37
- ចំនួនមតិ 0 | ចំនួនចែករំលែក 0
ឧបករណ៍ជំនួយកាមេរ៉ា Smartphone សម្រាប់ថតរូប និងវីដេអូបានច្បាស់
ចន្លោះមិនឃើញ
កាមេរ៉ារបស់ទូរសព្ទ Smartphone គឺជាផ្នែកមួយយ៉ាងសំខាន់។ ថ្វីត្បិតតែកាមេរ៉ាដែលបានបំពាក់នៅលើ Smartphone ទាំងនោះបានភ្ជាប់មកជាមួយនឹងបច្ចេកវិទ្យានិងមុខងារប្រើប្រាស់ទំនើបៗ ដើម្បីផ្ដល់ភាពងាយស្រួលនិងគុណភាពនៃការថតបានល្អក៏ពិតមែន ប៉ុន្តែក្នុងស្ថានភាពមួយចំនួនក៏ត្រូវការឧបករណ៍បន្ថែមដើម្បីជំនួយដែរ។ ដូច្នេះខាងក្រោមនេះគឺជាឧបករណ៍បន្ថែមចំនួនបួនប្រភេទសម្រាប់ជំនួយដល់កាមេរ៉ា Smartphone។
iRig MIC Cast
iRig MIC Cast គឺជាឧបករណ៍ប្រើសម្រាប់ថតសំឡេងប្រកបដោយគុណភាពខ្ពស់និងច្បាស់ល្អនៅពេលថតវីដេអូ។ iRig Mic Cast ត្រូវបានបង្កើតឡើងជាពិសេសសម្រាប់ថតសំឡេងវីដេអូដោយកម្រិតនៃការថតសំឡេងរបស់វាគឺច្បាស់ មិនថាថតក្នុងចម្ងាយជិត ឬចម្ងាយឆ្ងាយល្មមនោះទេ។
តម្លៃ៖ ៣៩,៩៩ ដុល្លារ
Olloclip
គឺជាប្រភេទ Lens កាមេរ៉ាសម្រាប់ទូរសព្ទ iPhone ហើយវាត្រូវបានប្រើសម្រាប់បង្កើនគុណភាពរូបភាពកាន់តែច្បាស់។ ជាពិសេសទៅទៀតនោះ ម៉ូដែលថ្មីមួយនេះគឺត្រូវបានរចនាឡើងដោយមានទាំងកាមេរ៉ាមុខ និង កាមេរ៉ាក្រោយ។ នៅក្នុង Olloclip គឺត្រូវបានរចនាឡើងដោយមានប្រភេទ Lens បួនរួមគ្នា មានដូចជា Fisheye,Wide-Angle,10x Macro និង15x Macro។
តម្លៃ៖ ៧៩,៩៩ ដុល្លារ
Pocket Spotlight
Pocket Spotlight គឺជាឧបករណ៍ជំនួយកាមេរ៉ាដើម្បីបង្កើនគុណភាពរូបភាពឲ្យកាន់តែច្បាស់។ Pocket Spotlight ត្រូវបានភ្ជាប់ដោយអំពូល LEDសម្រាប់ជំនួញពន្លឺ។ មិនត្រឹមតែជួយបង្កើនពន្លឺរូបភាពឲ្យកាន់តែច្បាស់នោះទេ នៅពេលប្រើប្រាស់ឧបករណ៍មួយនេះរូបភាពគឺមិនមានស្នាមក្រហមនៅក្នុងគ្រាប់ភ្នែក ដូចជាពេលថតដោយប្រើ Flash ធម្មតានោះទេ។
តម្លៃ៖ ៣០ ដុល្លារ
iPhone Boom Mic
ប្រសិនបើអ្នកចង់ថតវីដេអូដែលស្ថិតនៅចម្ងាយឆ្ងាយ ហើយចង់បានសំឡេងច្បាស់ ងាកមកមើលឧបករណ៍ Boom mics នេះពិតជាស័ក្ដសម។ Boom mics ត្រូវបានរចនាឡើងដោយមានរូបរាងតូច ស្រាល និងងាយដាក់តាមខ្លួន។ ការប្រើប្រាស់ឧបករណ៍មួយនេះគឺងាយដោយគ្រាន់តែដោតវាចូលទៅក្នុងរន្ធកាសជាការស្រេច៕
តម្លៃ ៖ ៤០ ដុល្លារ
អានបន្ត៖ ក្ដារចុច Bluetooth សម្រាប់ iPhone, iPad សាកថ្មម្ដងប្រើបាន៣ខែ
ប្រែសម្រួល៖សំនៀង ប្រភព៖ digitaltrends