ឆ្នាំងសាកប្រភេទថ្មីទាញថាមពលពីរុក្ខជាតិសាកថ្មទូរសព្ទបាន
- 2015-05-12 16:17:30
- ចំនួនមតិ 0 | ចំនួនចែករំលែក 0
ឆ្នាំងសាកប្រភេទថ្មីទាញថាមពលពីរុក្ខជាតិសាកថ្មទូរសព្ទបាន
ចន្លោះមិនឃើញ
ក្រុមអ្នកស្រាវជ្រាវមួយក្រុមក្នុងប្រទេសឈីលីបានបង្កើតនូវឧបករណ៍បច្ចេកវិទ្យាមួយដែលមានសមត្ថភាពអាចទាញយកថាមពលពីរុក្ខជាតិមកសាកថ្មទូរសព្ទឬអំពូល LED បាន។
E-Kaia គឺជាឧបករណ៍តូចមួយដែលអាចសាកថាមពលអគ្គិសនីសម្រាប់ឧបករណ៍តូចធម្មតាបានដូចជាទូរសព្ទដៃឬអំពូល LED បានដោយគ្រាន់តែទាញយកថាមពលពីរុក្ខជាតិមួយដើមតែប៉ុណ្ណោះ។ ដូចដែលបានបញ្ជាក់នៅលើគេហទំព័ររបស់វិទ្យាស្ថាន Manquehue ក្រុមអ្នកផលិតឧបករណ៍ E-Kaia នេះបាននិយាយថាឧបករណ៍សាកថ្មបែកធម្មជាតិមួយនេះអាចបញ្ចេញថាមពលអគ្គិសនីបាន ៥ វ៉ុល នៅកម្រិត 0.6 amps។ បើធ្វើការប្រៀបធៀបទៅនឹងឧបករណ៍សាកថ្ម ultra-compact USB របស់ក្រុមហ៊ុន Apple ដូចជា iPhone គឺជិតប្រហែលគ្នាដែរដោយវាបញ្ចេញថាមពលអគ្គិសនីបាន ៥ វ៉ុលនៅកម្រិត 1 amp។
ថាមពលដែលត្រូវបានពីរុក្ខជាតិនោះទាញយកតាមរយៈបន្ទះសៀគ្វីជីវសាស្ត្រ "biocircuit board" ហើយវាដំណើរការស្គែន និងបំលែងទៅជាថាមពលអគ្គិសនីនៅប្រព័ន្ធផ្នែកខាងក្នុងនៃឧបករណ៍ E-Kaia។ ប៉ុន្តែក្រុមអ្នកផលិតនេះគឺនៅស្ទាក់ស្ទើរចំពោះការពន្យល់លម្អិតបន្ថែមពីឧបករណ៍មួយនេះខណៈដែលសិទ្ធិប៉ាតង់របស់ពួកគេគឺស្ថិតនៅក្រោមការវាយតម្លៃនៅឡើយ។
ក្រុមអ្នកផលិតដែលមានឈ្មោះ Evelyn Aravena, Carolina Guerrero និង Camila Rupcich សង្ឃឹមថាពួកគេនឹងធ្វើជំនួញឧបករណ៍ E-Kaia នេះនៅក្នុងឆ្នាំនេះតែម្ដងដោយទទួលបានមូលនិធិជំនួយពីភ្នាក់ងារអភិវឌ្ឍន៍សេដ្ឋកិច្ចនៃរដ្ឋាភិបាលឈីលី (CORFO)៕
អានបន្ត៖ ឧបករណ៍ជំនួយកាមេរ៉ា Smartphone សម្រាប់ថតរូប និងវីដេអូបានច្បាស់
ប្រែសម្រួល៖ សំនៀង
ប្រភព៖ appleinsider