ម៉ូតូអគ្គិសនី Tron Lightcycle ដាក់លក់ក្នុងតម្លៃជាង៧ម៉ឺនដុល្លារ
- 2015-05-12 17:36:15
- ចំនួនមតិ 0 | ចំនួនចែករំលែក 0
ម៉ូតូអគ្គិសនី Tron Lightcycle ដាក់លក់ក្នុងតម្លៃជាង៧ម៉ឺនដុល្លារ
ចន្លោះមិនឃើញ
ម៉ូតូអគ្គិសនីដែលមាននៅក្នុងខ្សែភាពយន្ត Tron: Legacy ក្នុងឆ្នាំ២០១០ ត្រូវបានលក់ក្នុងតម្លៃ ៧៧០០០ ដុល្លារអាមេរិកនៅលើគេហទំព័រ RM Sotheby។
ម៉ូតូអគ្គិសនីមួយនេះមានឈ្មោះថា Tron Lightcycle គឺត្រូវបានផលិតនៅក្នុងឆ្នាំ ២០១១ ហើយម៉ូតូមួយនេះត្រូវបានផ្សព្វផ្សាយនៅលើប្រព័ន្ធអ៊ីនធឺណិតចាប់តាំងពីខែមីនាមកម៉្លេះ ប៉ុន្តែវាទើបតែដាក់ឲ្យដេញថ្លៃជាផ្លូវការថ្ងៃទី២ ខែឧសភា នេះប៉ុណ្ណោះ។ រហូតមកដល់ពេលនេះ វាត្រូវបានទិញដោយអ្នកទិញម្នាក់បាត់ទៅហើយ។
ម៉ូតូអគ្គីសនីមួយនេះត្រូវបានរចនាឡើងដោយយកតាមគំរូម៉ូតូក្នុងខ្សែភាពយន្ត TRON: Legacy ដែលបានបញ្ចាំងកាលពីឆ្នាំ ២០១០។ Tron Lightcycle ត្រូវបានដំណើរការថាមពលដោយម៉ូទ័រអេឡិចត្រូនិកកម្លាំង 96 V ជាមួយនឹងអាគុយលីចូម និងប្រអប់លេខពិសេសដែលគ្រប់គ្រងការបញ្ជាដោយប្រព័ន្ធកុំព្យូទ័រ។ នៅផ្នែកខាងមុខ និងខាងក្រោយបំពាក់ដោយប្រព័ន្ធហ្វ្រាំងដែលប្រើកម្លាំងទឹក និងបូមមុខក្រោយ។ បន្ថែមទៅទៀតនោះផ្នែកនៃកន្លែងអង្គុយមានលក្ខណៈទាបងាយស្រួលជិះបើទោះបីជាជិះក្នុងល្បឿនយឺតក៏ដោយ៕
អានបន្ត៖ឆ្នាំងសាកប្រភេទថ្មីទាញថាមពលពីរុក្ខជាតិសាកថ្មទូរសព្ទបាន
ប្រែសម្រួល៖ សំនៀង ប្រភព៖ comicbookresources