រឿង "ឡប់៨" ចំណាយមិនដល់ ១ ម៉ឺន ដុល្លារទេ ប៉ុន្តែ សង្ឃឹមជោគជ័យ

2015-05-20 17:15:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ផលិតកម្ម Spider កំពុងដំណើរការថតរឿងថ្មីរបស់ខ្លួនមានចំណងជើងថា "ឡប់៨" ក្រោមផែនការចំណាយជិត ១ម៉ឺនដុល្លារអាមេរិកប៉ុណ្ណោះ និង បានរៀបចំពិធីក្រុងពាលីសប្ដាហ៍មុន។

ចាងហ្វាងផលិតកម្មឈ្មោះ អូន ទូច បានឲ្យដឹងថា ភាពយន្តនេះមានលក្ខណៈកំប្លែងលាយឡំដោយការអប់រំ។ ទោះបីជាខ្ទង់ចំណាយតិចតួចយ៉ាងណាក៏ដោយ ប៉ុន្តែចាងហ្វាងផលិតកម្មវ័យ២៤ឆ្នាំខាងលើបញ្ជាក់ថា ក្រុមការងាររបស់លោក មានការយកចិត្តទុកដាក់ខ្លាំងលើការថត ដើម្បីនាំមកនូវគុណភាពសម្រាប់ទស្សនិកជន នៅពេលចាក់បញ្ចាំងនាអំឡុងចុងឆ្នាំ២០១៥ ដែលលោកអះអាងថា ជាពេលវេលាសមរម្យជាទីបំផុត។

ទូច អូន និយាយថា៖“ទោះចំណាយដើមតិចមែន ប៉ុន្តែយើងសង្ឃឹមខ្ពស់ថា ទទួលបានជោគជ័យមិនខាន ព្រោះផលិតមានការយកចិត្តទុកដាក់"។ ចាងហ្វាងដដែលអះអាងថា ពេលនេះក្រុមការងារផលិតកម្មកំពុងដំណើរការថតបានប្រហែលពាក់កណ្ដាលមកហើយ។ ហើយនេះជាស្នាដៃទី២បន្ទាប់ពីរឿង "កំណប់បះសក់" បានចរាចរណ៍លើទីផ្សារកាលពីឆ្នាំទៅ។

ជាមួយគ្នានោះ ប្រភពដដែលអះអាងទៀតថា ផលិតកម្មក៏នឹងមានក្រុមការងារ១ក្រុមទៀត ដើម្បីត្រៀមដំណើរការផលិតភាពយន្តបន្តបន្ទាប់មួយរឿងទៀតក្នុងពេលឆាប់ៗនេះ ខណៈកំពុងរៀបចំឆ្អឹងរឿងនៅឡើយ។ តាមរយៈបទពិសោធន៍ជាង១ឆ្នាំ និងបានផលិតបទចម្រៀងកន្លងមក នាំឱ្យចាងហ្វាងផលិតកម្មខាងលើជឿជាក់ថា នឹងទទួលបានជោគជ័យមិនខាន៕

អានអត្ថបទ៖ ទីបំផុត “បងទុំ អូនទាវ” សម្ពោធដាក់បញ្ចាំងក្រោយមានរឿងរសើប

អានអត្ថបទ៖ ទីបំផុត ចន ច័ន្ទលក្ខិណា ព្រមទទួលស្គាល់ចំណងស្នេហ៍ជាមួយបុរសពោះម៉ាយ