អង្ករក្លែងក្លាយធ្វើពីប្លាស្ទិកកំពុងរីករាលដាលនៅអាស៊ី

2015-05-21 16:12:28
ចំនួនមតិ 0 | ចំនួនចែករំលែក 0

ចន្លោះមិនឃើញ

បច្ចេកវិទ្យាកាន់តែទំនើប ទំនិញកាន់តែសម្បូរបែប ប៉ុន្តែចំណីអាហារភាគច្រើនត្រូវរងការវាយប្រហារដោយជាតិគីមី និងរបស់ក្លែងក្លាយ។ ពេលនេះសារព័ត៌មាន Shanghaiist របស់ប្រទេសចិន បានចុះផ្សាយថា អង្ករក្លែងក្លាយធ្វើពីប្លាស្ទិកដាក់លើទីផ្សារចិន កំពុងរីករាលដាលដល់បណ្ដាប្រទេសនានានៅអាស៊ី ដូចជា ឥណ្ឌា ឥណ្ឌូណេស៊ី និងវៀតណាម។

សារធាតុផ្សំអង្ករប្លាស្ទិក

អង្ករក្លែងក្លាយ ផ្សំឡើងពី ដំឡូងបារាំង ដំឡូងជ្វា និងប្រភេទជ័រសំយោគមួយចំនួន។ នេះបើតាមការបញ្ជាក់របស់សារព័ត៌មាន International Business Times។ អង្ករប្រភេទនេះ បានចរាចរណ៍ជាយូរណាស់មកហើយលើទីផ្សារនានាក្នុងខេត្ត Taiyuan និង Shaanxi ដែលមានលក្ខណៈស្រដៀងបេះបិទទៅនឹងអង្ករធម្មជាតិ។

អ្នកជំនាញផ្នែកសុខភាព បានក្រើនរំលឹកថា ការទទួលទានអង្ករក្លែងក្លាយប្រភេទនេះ អាចបំផ្លាញយ៉ាងធ្ងន់ធ្ងរដល់ប្រព័ន្ធរំលាយអាហារ។ យ៉ាងណាមិញ អាជ្ញាធរមានសមត្ថកិច្ច បានព្យាយាមលុបបំបាត់ការភ័យខ្លាចរបស់ប្រជាជន ចំពោះព័ត៌មានពីអង្ករក្លែងក្លាយលើបណ្ដាញអ៊ីនធឺណិត។

"ជាផ្នែកមួយនៃទម្លាប់ត្រួតពិនិត្យរបស់ AVA រាល់អង្ករដែលនាំចូល តែងមានការពិនិត្យយ៉ាងល្អិតល្អន់ និងវិភាគតាមគំរូ ដើម្បីបញ្ជាក់ថាវាស្របទៅនឹងស្តង់ដារចំណីអាហារ ព្រមទាំងតម្រូវការនានា"។ នេះបើតាមអ្នកនាំពាក្យមកពី អាជ្ញាធរកសិកម្មចំណីអាហារ និងសត្វចិញ្ចឹម (AVA) អះអាងប្រាប់កាសែត The Straits Times របស់ប្រទេសសិង្ហបុរី បន្ទាប់ពីមានពាក្យចចាមអារ៉ាមថាអង្ករក្លែងក្លាយវាយលុកចូលប្រទេសមួយនេះ។

ចំពោះក្រសួងកសិកម្មនិងកសិឧស្សាហកម្មរបស់ម៉ាឡេស៊ីវិញ បានបដិសេធស្រដៀងគ្នាទៅនឹងប្រទេសសិង្ហបុរីថា មិនបានទទួលរបាយការណ៍ពីអង្ករក្លែងក្លាយពីប្លាស្ទិកនេះទេ។ ទោះយ៉ាងណា ក្រសួងបានបញ្ជាក់ថា ប្រសិនបើអង្ករក្លែងក្លាយចូលដល់ប្រទេសម៉ាឡេស៊ីមែននោះ វាអាចលក់តាមនៅតាមហាងតូចៗប៉ុណ្ណោះ មិនអាចឈានដល់ផ្សារទំនើបទេ។

បាយដែលដាំពីអង្ករប្លាស្ទិក

ធ្វើយ៉ាងណាទើបអាចចៀសវាងការទទួលទានអង្ករប្លាស្ទិកបាន? ជាធម្មតា អង្ករក្លែងក្លាយមានលក្ខណៈស្រដៀងគ្នាបេះបិទទៅនឹងអង្ករធម្មជាតិ ពិបាកក្នុងការញែកឲ្យដាច់ណាស់ ប៉ុន្តែបើតាមវិបសាយ Oryza.com បានបញ្ជាក់ថា អង្ករក្លែងក្លាយពេលដាំឆ្អិននឹងក្លាយជារឹងខុសពីធម្មតា។ ចំណែកស៊ុបដែលដាក់អង្ករនេះចូលហាក់ដូចជាគ្មានជាតិ និងឆេះនៅពេលរងកម្ដៅខ្លាំង៕

ចុចអាន៖ ចាប់បានស្រោមអនាម័យក្លែងក្លាយ ៣លានស្រោម

ប្រែសម្រួល៖ គង់ វិសាល ប្រភព៖ shanghaiist

ពាក្យទាក់ទង

ព័ត៌មានសង្គមអន្តរជាតិ

អត្ថបទពេញនិយម

ដឹងហើយ អ្នកនៅពីក្រោយនៃការអភិវឌ្ឍប្រឡាយបេតុងក្នុងវាលស្រែដ៏ស្រស់ស្អាត ដែលកំពុងល្បីលើបណ្តាញសង្គម

ក្រវិលកំប៉ុងគ្រុឌមួយ និងលុយ ៥០០រៀល ផ្លាស់ប្តូរជីវិតកសិករកម្សត់ម្នាក់

ទំនប់ដូនទ្រី ដែលប្រើបច្ចេកទេសជីករូងភ្នំមិនធ្លាប់មាននៅកម្ពុជា ពេលសង់រួចនឹងអាចស្រោចស្រពលើផ្ទៃដីកសិកម្មជាង ៣ម៉ឺនហិកតា

សម្ដេចតេជោចូលរួមដឹកនាំផ្ទាល់ការប្រកួតបាល់ទាត់សប្បុរសធម៌

ប្រធានក្រុមបាល់ទាត់ CFSS បញ្ជាក់ពីវត្ដមានសម្ដេចតេជោក្នុងព្រឹត្ដិការណ៍បាល់ទាត់មិត្ដភាពសប្បុរសធម៌

Toyota នឹងដំឡើងរថយន្ត Fortuner និងភីកអាប់ Hilux នៅកម្ពុជា ប្រមាណ ១៣២០គ្រឿងក្នុងឆ្នាំនេះ

អត្ថបទថ្មី

Martial ត្រលប់មកហ្វឹកហាត់វិញហើយដើម្បីប្រកួតតទល់នឹង Crystal Palace

Ralf Rangnick ទាត់ចោលសំណើ Bayern សុខចិត្តនៅបន្តដឹកនាំអូទ្រីស

ឆ្នាំមុនពឹងឈើច្រត់ ឆ្នាំនេះ យូប៊ីន ត្រៀមដើរកម្រលព្រំក្រហមទីក្រុងកានដោយភាពជឿជាក់

ធនាគារ ABA ចាប់ដៃគូជាមួយ ក្រុមហ៊ុន ភីធីធី ខេមបូឌា ដើម្បីផ្តល់សេវាទូទាត់នវានុវត្តន៍

ចូលរួមអាហារពេលល្ងាចធម្មតាៗ តែរ៉ូប Taylor ពាក់ចូលរួមមានតម្លៃខ្ពស់មិននឹកស្មាន