ឡុងដុងលេខ១ បាងកកលេខ២ ក្នុងនាមជាទីក្រុងមានទេសចរច្រើនបំផុត
- 2015-06-04 18:03:39
- ចំនួនមតិ 0 | ចំនួនចែករំលែក 0
ឡុងដុងលេខ១ បាងកកលេខ២ ក្នុងនាមជាទីក្រុងមានទេសចរច្រើនបំផុត
ចន្លោះមិនឃើញ
ទីក្រុងឡុងដុង ប្រទេសអង់គ្លេស បានជាប់ចំណាត់ថ្នាក់លេខ១ក្នុងនាមជាទីក្រុងដែលមានប្រជាប្រិយភាពជាងគេក្នុងពិភពលោក ប្រចាំឆ្នាំ តាមពីក្រោយដោយទីក្រុងបាងកក ប្រទេសថៃ។
យោងតាមការធ្វើចំណាត់ថ្នាក់ទីក្រុងពិភពលោកប្រចាំឆ្នាំដែលធ្វើឡើងដោយ Mastercard Global Cities Index រាជធានីរបស់ប្រទេសអង់គ្លេស បានជាប់ជាទីក្រុងដែលមានទេសចរទៅលេងច្រើនបំផុតប្រចាំឆ្នាំ២០១៤កន្លងទៅ។
ទីក្រុងឡុងដុងបានទទួលទេសចរមកទស្សនាចំនួន១៨,៨២លាននាក់កាលពីឆ្នាំមុន។ អ្នកជំនាញជាច្រើនបានរំពឹងទុកថាចំនួនទេសចរនឹងកើនឡើង៦ភាគរយបន្ថែមនៅពេលដែលប្រទេសអង់គ្លេសធ្វើជាម្ចាស់ផ្ទះនៃកីឡាបាល់ឱបពិភពលោក នាខែកញ្ញាខាងមុខ។
លោក Boris Johnson ដែលជាអាជ្ញាធរក្រុងឡុងដុងបានសម្ដែងនូវភាពរីករាយ និងមានមោទនភាពចំពោះចំណាត់ថ្នាក់នេះ ហើយក៏បានប្រារព្ធពិធីអបអរសាទរចំពោះជ័យជំនះនេះផងដែរ។
ដោយឡែក ទីក្រុងដែលជាប់ចំណាត់ថ្នាក់លេខ៣បន្ទាប់ពីទីក្រុងឡុងដុង និងបាងកក គឺទីក្រុងប៉ារីស ប្រទេសបារាំង តាមពីក្រោយដោយទីក្រុងឌុយបៃ អ៊ីស្តាន់ប៊ុល ញូវយ៉ក សិង្ហបុរី កូឡាឡាំពួរ សេអ៊ូល និងហុងកុង៕
ចុចអាន៖ មិនឃើញមិនជឿ! ទីក្រុងកម្សាន្តមានបឹងកណ្ដាលវាលខ្សាច់
ប្រែសម្រួល៖ មាន រតនា ប្រភព៖ mirror , mastercard