រថក្រោះថ្មី Armata របស់រុស្សីបំពាក់មុខងារបន្ថែមអាចប្រយុទ្ធនឹងសត្រូវមកពីគ្រប់ទិសទី

2015-06-15 15:26:25
ចំនួនមតិ 0 | ចំនួនចែករំលែក 0

ចន្លោះមិនឃើញ

រុស្សីបានឲ្យដឹងថា ខ្លួនទើបបំពាក់មុខងារថ្មីៗពិសេសៗ លើរថក្រោះចម្បាំងចុងក្រោយបំផុត Armata។ ការបន្ថែមមុខងារថ្មីនេះនឹងធ្វើឲ្យរថក្រោះនេះក្លាយជាគ្រឿងចម្បាំងមួយ ដែលមានកម្លាំងខ្លាំងក្លា អាចប្រយុទ្ធនឹងសត្រូវមកពីគ្រប់ទិសទី។

ខាងក្រោមនេះគឺជាមុខងារពិសេសៗ៤ដែលនឹងមានលើរថក្រោះរបស់រុស្សី៖

១. របាំងការពារអ្នកបាញ់គ្រាប់បញ្ជាដោយតេឡេ

របាំងការពារអ្នកបាញ់កាំភ្លើងត្រូវបានបញ្ជាបានដោយតេឡេ អាចឲ្យអ្នកប្រយុទ្ធពីលើរថក្រោះមានឧកាសរួចផុតពីគ្រោះថ្នាក់បាន នៅពេលដែលរថក្រោះមានការប៉ះទង្គិចខ្លាំង។ រថក្រោះនេះធំហើយធ្ងន់ជាងមុន ប៉ុន្តែបើកបានស្រួល ប្រៀបបីដូចជាបើករថយន្តទំនើបអីចឹងដែរ។

២. ការគ្រប់គ្រងដោយបច្ចេកវិទ្យាកុំព្យូទ័រ មុខងារនេះអាចឲ្យអ្នកដែលនៅខាងក្នុង បញ្ជាវាឲ្យទៅមុខ ថយក្រោយ ទៅឆ្វេង ឬទៅស្ដាំ និង កំណត់គោលដៅវាយប្រហារ ដោយគ្រាន់តែចុចប៊ូតុងមួយចំនួនប៉ុណ្ណោះ និយាយរួមគឺប្រៀបដូចជាការលេងហ្គេមយ៉ាងអីចឹង។

៣. ការការពារខ្លាំងជាមុន រថក្រោះនេះប្រើប្រាស់អាវការពាររចនាថ្មី ដែលអាចធន់នឹងកម្ដៅភ្លើង ព្រមទាំងអាចការពារការបាញ់បំប្លោងរបស់សត្រូវបានទៀតផង។

៤. កាំភ្លើងកាណុងខ្លាំងជាងមុន ទំហំកាណុងរបស់រថក្រោះសព្វថ្ងៃមានអង្កត់ផ្ចិតត្រឹមតែ១២៥ម.ម. ដោយឡែកអង្កត់ផ្ចិតកាណុងថ្មីនឹងមានទំហំធំដល់ទៅ១៥៥ម.ម. ដែលអាចបាញ់ផ្តក់ និងបាញ់ជារ៉ុកកែតបាន។