ក្មេងស្រីរុក្ខជាតិដឹងខ្លួនវិញបន្ទាប់ពីឮបទ "Gangnam Style”
- 2015-06-19 17:43:25
- ចំនួនមតិ 0 | ចំនួនចែករំលែក 0
ក្មេងស្រីរុក្ខជាតិដឹងខ្លួនវិញបន្ទាប់ពីឮបទ "Gangnam Style”
ចន្លោះមិនឃើញ
ពិតជាមិនគួរឲ្យជឿក្មេងស្រីអាយុ១០ឆ្នាំដែលសន្លប់ក្លាយមនុស្សរុក្ខជាតិជាច្រើនខែម្នាក់បានបានដឹងខ្លួនឡើងវិញ បន្ទាប់ពីបានឮម្ដាយច្រៀងបទ “Gangnam Style” របស់ PSY ។
ជីវិតក្មេងស្រីម្នាក់នោះបានធ្លាក់ខ្លួនមានជំងឺភ្លាមៗដោយមិនបានដឹងមុនកាលពីថ្ងៃទី១៨ ខែមករា ឆ្នាំ២០១៤ នៅពេលដែលនាងចាប់ផ្ដើមមានអារម្មណ៍ឈឺក្បាលខ្លាំង និងក្អួតចង្អោរ។ ភ្លាមៗនោះនាងក៏បានសន្លប់លែងដងខ្លួនរហូតគ្រូពេទ្យបាននិយាយថា៖ "វាគ្មានប្រយោជន៍អ្វីទេសម្រាប់ការវះកាត់"។
បន្ទាប់មកក្រុមគ្រួសារក្មេងស្រីក៏បានទទូច គ្រូពេទ្យឲ្យធ្វើការវះកាត់ទោះដឹងថាគ្មានសង្ឃឹម។ កុមារីបានទទួលការវះកាត់ចំនួនបួនដងក្នុងរយៈពេលតែមួយខែប៉ុណ្ណោះ។ ទោះជាយ៉ាងណាក៏ដោយក្មេងស្រីខាងលើនៅតែមិនអាចដឹងខ្លួនពីការសន្លប់នឹងស្ទើរក្លាយជាមនុស្សរុក្ខជាតិជារៀងរហូត។
ប៉ុន្តែរឿងអព្ភូតហេតុក៏បានកើតឡើង៊។ ម្ដាយរបស់ក្មេងស្រីបានប្រាប់ថា៖ "រឿងនេះបានកើតឡើងនៅថ្ងៃទី៦ខែកញ្ញា។ ខ្ញុំបានអង្គុយនៅក្បែរគ្រែកូនស្រីរបស់ខ្ញុំនិងបានច្រៀងបទ “Gangnam Style”។ ខ្ញុំចង់ឲ្យនាងឮបទនេះ។ បន្ទាប់មកភ្លាមៗនោះនាងក៏បានបញ្ចេញសំឡេង និង ញញឹមដោយគ្មានអារម្មណ៍អ្វីសោះនៅលើផ្ទៃមុខរបស់នាង"។ ម្ដាយម្នាក់នោះបានបន្ថែមថាបទ “Gangnam Style” របស់ PSY ជាចម្រៀងដែលតែងតែធ្វើឲ្យកូនស្រីរបស់គាត់សើចមុនពេលនាងបានសន្លប់។
នៅថ្ងៃបន្ទាប់ម្ដាយរបស់នាងបានច្រៀងបទ “Gangnam Style” ម្ដងទៀតហើយក្មេងស្រីគូរឲ្យអាណិតនោះក៏បានសើចសារជាថ្មី។ តាំងពីពេលនោះមកអាការៈកុមារីនេះក៏បានល្អបន្តិចម្ដងៗដោយនាងអាចអង្គុយ ឈរ និងដើរបានយឺតៗ។ ដូច្នេះឥទ្ធិពលរបស់ចម្រៀងK-Pop បាននាំមកនូវសេចក្ដីសង្ឃឹមឡើងវិញសម្រាប់គ្រួសារមួយនេះ៕
អាន៖ Goo Hara ថតចំហល្វែងលើជាលើកដំបូង
ប្រែសម្រួល៖ ហេង សុធារិទ្ធិ ប្រភព៖ koreaboo
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
