អណ្ដើកចម្លែកដូចសត្វយុគសម័យដាយណូស័របង្ហាញខ្លួននៅប្រទេសរុស្ស៊ី

2015-07-01 21:27:52
ចំនួនមតិ 0 | ចំនួនចែករំលែក 0

ចន្លោះមិនឃើញ

អណ្ដើកចម្លែកមួយក្បាល ដែលមានរូបរាងស្រដៀងសត្វយុគសម័យដាយណូស័រ បានបង្ហាញខ្លួននៅប្រទេសរុស្ស៊ី ធ្វើឲ្យមនុស្សជាច្រើនមានការភ្ញាក់ផ្អើលយ៉ាងខ្លាំង។

អណ្ដើកចម្លែកនេះមានបន្លានៅជាប់ខ្នង ហើយរូបរាងទៀតសោតខុសពីអណ្ដើកនានា ដែលមើលទៅស្រដៀងសត្វដាយណូស័រជាង។ រូបភាពសត្វដ៏កម្រដែលប្រទះឃើញនៅប្រទេសរុស្ស៊ី ត្រូវបង្ហោះតាមគណនីបណ្ដាញសង្គមមួយឈ្មោះ Anastasia Steshina ដោយសរសេររៀបរាប់ថា "ពេលយើងឃើញវា យើងមិនបានចាប់អារម្មណ៍ថាជាអណ្ដើកទេ... វាធ្វើឲ្យយើងនឹកឃើញដល់ដាយណូស័រ"។

ទោះយ៉ាងណា ពេលនេះអ្នកជំនាញបានចេញមុខមកបញ្ជាក់រួចហើយថា វាជាប្រភេទពូជអណ្ដើកកាត់ក្រពា ដែលជាអណ្ដើកទឹកសាបកម្របំផុតនៅលើពិភពលោក។ អ្វីដែលធ្វើឲ្យមនុស្សជាច្រើនចម្លែកអារម្មណ៍ គឺដោយសារមិនធ្លាប់ឃើញសត្វប្រភេទនេះពីមុនមក។

តាមពិត អណ្ដើកខ្នងបន្លានេះមានកំណើតនៅភាគអាគ្នេយ៍ទ្វីបអាមេរិក ប៉ុន្តែជារឿងអាថ៌កំបាំង ដែលវាបង្ហាញខ្លួននៅទន្លេ Amur ដែលជាទន្លេវែងជាងគេទី១០ លើលោក។ ក្រោយពិនិត្យរួចរាល់ហើយ អ្នកនៅក្នុងតំបន់ បានលែងអណ្ដើកចម្លែកនោះចូលទៅក្នុងទន្លេវិញ។