ជួលស្រីក្មេងបម្រើមន្ត្រីឡើងឋានសួគ៌ រួចថតទុកគំរាមទារប្រាក់ក្នុងហាងតែនៅចិន
- 2015-07-03 17:24:35
- ចំនួនមតិ 0 | ចំនួនចែករំលែក 0
ជួលស្រីក្មេងបម្រើមន្ត្រីឡើងឋានសួគ៌ រួចថតទុកគំរាមទារប្រាក់ក្នុងហាងតែនៅចិន
ចន្លោះមិនឃើញ
កាលពីពេលថ្មីៗនេះ ម្ចាស់ហាងតែមួយកន្លែងនៅខេត្ត Fujian ប្រទេសចិន បានកើតគំនិតប្លែកជួលស្រីក្មេងឲ្យបម្រើផ្លូវភេទដល់មន្ត្រីក្នុងតំបន់ រួចថតរូបទុកដើម្បីគំរាមទារប្រាក់។
តាមប្រភពសារព័ត៌មាន Beijing News បានឲ្យដឹងថា អតិថិជនដែលចូលផឹកតែ រួមទាំងមន្ត្រីប្រមាណជាង ២០នាក់ ត្រូវលួចថតជាប់ដោយម្ចាស់ហាងទាំងអស់។ បន្ទាប់ពីមានរូបថតក្នុងដៃរួច ម្ចាស់ហាងបានគំរាមកំហែងយកប្រាក់ពីមន្ត្រីទាំងនោះ ជាថ្នូរនឹងការចែកចាយរូបភាពអាស្រូវជាមួយស្រីក្មេង។
អន្ទាក់យកប្រាក់ស្រួលៗនេះ ត្រូវម្ចាស់ហាងតែប្រើប្រាស់ច្រើនខែមកហើយ ប៉ុន្តែពុំមានបែកធ្លាយដំណឹង រហូតដល់មន្ត្រីម្នាក់ដែលបដិសេធមិនផ្ដល់ប្រាក់ ប្រថុយគ្រោះថ្នាក់រាយការណ៍ដល់សមត្ថកិច្ច។ បើតាមប្រភពដដែលបានឲ្យដឹងថា ការថតរូបសិចរបស់មន្ត្រីគំរាមយកប្រាក់នេះ ផ្ទុះឡើងអំឡុងខែកុម្ភៈ។
នារីក្មេងៗដែលបម្រើការសប្បាយរបស់មន្ត្រីទាំងនោះ បានប្រើកាមេរ៉ាសម្ងាត់ដើម្បីលួចថតសកម្មភាព។ ក្រោយបានភស្តុតាងក្នុងដៃ ស្ត្រីជាអ្នកគ្រប់គ្រងហាងតែ បានគំរាមទារប្រាក់ ២០ម៉ឺនយ៉ាន់ (ជាង៣ម៉ឺនដុល្លារ) ដើម្បីបិទមាត់។ ប្រសិនបើមិនប្រគល់ប្រាក់ទេ នាងនឹងរាយការណ៍ដល់អាជ្ញាធរមានសមត្ថកិច្ច។
ក្រោយមកទើបគេរកឃើញថា តាមពិតមេខ្លោងនៅពីក្រោយល្បិចគំរាមយកប្រាក់ជាអ្នកជំនួញប្រុសម្នាក់ ដែលបានប្រលូកក្នុងឆាកនយោបាយអស់ច្រើនឆ្នាំមកហើយ។ អ្នកជំនួញជាម្ចាស់ហាងតែរូបនេះ បានអន្ទងមន្ត្រីនានាឲ្យចូលផឹកតែនៅក្នុងហាង បន្ទាប់មកទើបណែនាំឲ្យជួបស្រីក្មេងតែម្ដង៕
ចុចអាន៖ បែកធ្លាយរូបមន្រ្តីចូល KTV ឱបមិនលែង ល្បីពេញអ៊ីនធើណិត
ចុចអាន៖ តម្លៃសេវាផ្លូវភេទគ្រប់លំដាប់ត្រូវបានទម្លាយ
ប្រែសម្រួល៖ គង់ វិសាល ប្រភព៖ shanghaiist