អ្នកលក់បន្លែប្រុសសង្ហា ស្រីៗដើរផ្សារមិនរំលង
- 2015-07-09 15:37:53
- ចំនួនមតិ 0 | ចំនួនចែករំលែក 0
អ្នកលក់បន្លែប្រុសសង្ហា ស្រីៗដើរផ្សារមិនរំលង
ចន្លោះមិនឃើញ
អ្នកលក់បន្លែម្នាក់នៅតៃវ៉ាន់ បានធ្វើឲ្យមនុស្សជាច្រើនមានការចាប់អារម្មណ៍ ដោយសាររូបរាងដ៏សង្ហា សាច់ដុំពោះ ៦កង់ បូករួមទាំងទឹកមុខស្លូតបូតគួរឲ្យទាក់ទាញ។
អ្នកលក់បន្លែប្រុសសង្ហារូបនេះឈ្មោះ Wang Xianghong អាយុទើប ២០ឆ្នាំប៉ុណ្ណោះ និងមានកម្ពស់ ១,៨៥ម៉ែត្រ។ ចំពោះរូបថតដោះអាវទាំងនេះ ត្រូវគេប្រមាញ់បាននៅហាងបន្លែ-ផ្លែឈើ តាមបណ្ដោយផ្លូវ Qiangjiang ក្នុងសង្កាត់ Beitou។
អតិថិជនជាច្រើន ពិសេសនារីដើរផ្សារ បាននិយាយថាពួកគេអាណិតអ្នកលក់ប្រុសនេះណាស់ ប៉ុន្តែមិនអាចជួយអ្វីបានឡើយ បានត្រឹមតែជួយទិញផលិតផលស្រស់ៗរបស់គេតែប៉ុណ្ណោះ។ អតិថិជនស្រីម្នាក់បាននិយាយថា "ថ្ងៃនេះមើលទៅដូចជាសិចស៊ីតិច ពេលគាត់ដោះអាវអ៊ីចឹងទៅ... ខ្ញុំចង់ទិញថែមទៀត"។
Wang បានប្រាប់អ្នកយកព័ត៌មានថា លោកមានគម្រោងចូលបម្រើទ័ពនៅដំណាច់ឆ្នាំនេះ។ ចំណែកការងារលក់បន្លែនៅក្នុងផ្សារ លោកបានធ្វើអស់ជិតកន្លះឆ្នាំហើយ។ ពេលខ្លះ លោកដោះអាវដើម្បីងាយស្រួលធ្វើការ កុំឲ្យបែកញើសខ្លាំង។ បុរសសង្ហារូបនេះក៏បានបញ្ជាក់ផងដែរថា នារីភាគច្រើនតែងសរសើរពីរាងកាយដ៏រឹងមាំរបស់លោក ហើយពេលខ្លះពួកគេថែមទាំងមានចេតនាទៅក្បែរលោកពេលរើសបន្លែទៀតផង។
បើតាមម្ចាស់ហាងឈ្មោះ Chen បានឲ្យដឹងថា Wang និងកូនប្រុសរបស់អ្នកស្រី ធ្លាប់ជាមិត្តរួមថ្នាក់ កាលរៀននៅបឋមសិក្សា។ ដោយសារខ្វះបុគ្គលិក Wang ក៏ចូលខ្លួនមកជួយ និងទទួលខុសត្រូវជាអ្នកស្តុកបន្លែ-ផ្លែឈើ ព្រមទាំងលក់ទៅឲ្យអតិថិជនបន្ត។
ទោះយ៉ាងណា ក្រៅពីការងារលក់បន្លែ Wang នៅមានការងារក្រៅម៉ោងផ្សេងទៀត ព្រោះរូបលោកចង់សន្សំប្រាក់ឲ្យបានច្រើន។ មួយសប្ដាហ៍ បុរសសង្ហាធ្វើការក្នុងផ្សារ ៤ថ្ងៃ ហើយក្រៅពីនេះលោកបានបំពេញការងារក្រៅម៉ោងនៅក្រុមម៉ូដែល CatWalk៕
ចុចអាន៖ ហាងតៅហ៊ូប្រុសស្អាតផ្អើលស្រីៗតម្រង់ជួរទិញ
ចុចអាន៖ គ្រូគណិតវិទ្យា ល្បីសង្ហាជាងគេលើលោក
ប្រែសម្រួល៖ គង់ វិសាល ប្រភព៖ shanghaiist