NASA ស្រាយចម្ងល់ជិត៩០ឆ្នាំលើទំហំភព Pluto

2015-07-14 17:34:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ទំហំភព Pluto ដែលស្ថិតក្នុងចម្ងល់របស់ក្រុមអ្នកស្រាវជ្រាវទីអាវកាសជិត៩០ឆ្នាំមកហើយនោះ នៅពេលថ្មីៗត្រូវបាន NASA រកឃើញតម្រុយនៃទំហំពិតប្រាកដហើយ។

កាលពីថ្ងៃសៅរ៍កន្លងទៅ យានអវកាស NASA ឈ្មោះ New Horizons បានថតយកភព Pluto ក្នុងចម្ងាយ១លានម៉ាយ (ប្រហែល១,៦លានគីឡូម៉ែត្រ) ដើម្បីយកមកសិក្សាបន្ថែម។ លោក Bill Mckinnon អ្នកវិទ្យាសាស្រ្ដរបស់ NASA បាននិយាយថា៖ "ទំហំនៃភព Pluto ត្រូវបានគេយកមកជជែកវែកញែកតាំងពីឆ្នាំ១៩៣០មកម្ល៉េះ។ ហើយនៅទីបំផុត យើងអាចបកស្រាយចម្ងល់នេះ ដែលជារឿងគួរឲ្យរីករាយបំផុតមួយ"។

ក្រោយទទួលបានព័ត៌មានមួយចំនួនតាមរយៈរូបថតថ្មីនេះ ទីភ្នាក់ងារអាវកាស NASA បានគណនាឃើញថាភពនេះមានអង្កត់ផ្ចិត១៤៧៣ម៉ាយ (២៣៧០គីឡូម៉ែត្រ) ដែលជាទំហំធំជាងការប៉ាន់ស្មាននាពេលកន្លងមក។ ផ្អែកតាមរូបភាពដែលគេថត បានបង្ហាញពីតម្រុយជាច្រើន ដោយក្នុងនោះគេបានរកឃើញស្នាមរង្វង់ ដែលគេសន្និដ្ឋានថាជាមាត់ភ្នំភ្លើង។

យ៉ាងណាក្ដីក្រុមអវកាសណាសាក៏កំពុងធ្វើការសិក្សាស្រាវជ្រាវព័ត៌មានបន្ថែមទៀតលើភពមួយនេះ៕