៦រឿងប្លែកៗ ថ្ងៃប្រលងបាក់ឌុបលើកទី២

2014-10-13 23:45:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រលងបាក់ឌុបលើកទី២ ក្នុងថ្ងៃដំបូង ត្រូវបានរាយការណ៍ថា មានភាពល្អប្រសើរ។ ប៉ុន្តែមានរឿងរ៉ាវនឹកស្មានមិនដល់ជាច្រើន បានកើតឡើង ក្នុងថ្ងៃទី១ នេះ។ តើដឹងមានរឿងអ្វីខ្លះកើតឡើង?

-ពិតជាគួរឲ្យកោតសរសើរ ចំពោះបេក្ខជនម្នាក់ជាជនពិការទាំងដៃ និងជើង តែចិត្តគាត់មិនពិការនោះទេ។ គាត់ខិតខំដូចបេក្ខជនដទៃទៀតដែរ។ បេក្ខជនរូបនេះប្រលងនៅមណ្ឌលប្រលង ព្រះនរោត្តមជាន់ទី៣។ ប្រធានមណ្ឌលបានអនុញ្ញាតឲ្យប្រលងនៅបន្ទប់លេខ១ជាន់ផ្ទាល់ដីវិញ។

-មិនអន់ជាងបេក្ខជនខាងលើយុវតីម្នាក់ផេ្សងទៀតជាបេក្ខជនពិការដៃទាំងពីរ មានឆន្ទះមកប្រលងបាក់ឌុប ក្នុងស្មារតីជឿជាក់។ ទោះការប្រលងមានការរឹតបន្តឹងខ្លាំងយ៉ាងណា។ យុវតីរូបនេះប្រលងនៅមណ្ឌលវិទ្យាល័យស្វាយអន្ទរ ខេត្តព្រៃវែង។

-យុវតីម្នាក់បានខកប្រលងពីរម៉ោង ដោយសារបែកកង់ម៉ូតូ។ យុវតីរូបនេះ ឈ្មោះ ចិន្តា នៅក្នុងខេត្តកំពង់ឆ្នាំង បានស្នើ ឲ្យមានការរៀបចំប្រលងពីរមុខវិជ្ជាឡើងវិញ។ តែអនុរក្សមិនអនុញ្ញាត។

-ចំណែកយុវតីម្នាក់ផេ្សងទៀតក៏ជួបគ្រោះថ្នាក់ចរាចរណ៍ និងបានមកប្រលងទាំងទឹកភ្នែក។ យុវតីរូបនេះប្រលងនៅមណ្ឌលសម្តេចអគ្គមហាសេនាតីតេជោ គ្រួស ខេត្តសៀមរាប។

នៅមណ្ឌលប្រលងអនុវិទ្យាល័យអនុវត្ត យុវតីម្នាក់សន្លប់ និង ទើបត្រលប់មកពីមន្ទីរពេទ្យ ត្រូវបានអនុញ្ញាតឲ្យធ្វើវិញ្ញាសារនៅខាងក្រៅបន្ទប់ប្រលង មានពេទ្យ និង អ្នកសង្កេតការណ៍អង្គុយជាមួយ។

- មណ្ឌលប្រលងមួយ ក្នុងខេត្តព្រៃវែង គឺបឋមសិក្សាស្វាយសុខោ ចំនួនអវត្តមានការកើនឡើងយ៉ាងខ្លាំង សម្រាប់រសៀលនេះ គឺកើនឡើងលើស ចំនួនវត្តមានរបស់បេក្ខជន។ ចំនួនបេក្ខជនមកប្រលងត្រឹមតែ ៤៧% តែប៉ុណ្ណោះ។ ចំណែកអវត្តមានចំនួន ៧១ នាក់ ក្នុងចំនោមបេក្ខជនសរុប ១៤៨ នាក់ ។