លោកយាយអាយុ១០០ឆ្នាំ ទទួលបានសញ្ញាប័ត្រលើកដំបូង
- 2015-07-16 18:27:57
- ចំនួនមតិ 0 | ចំនួនចែករំលែក 0
លោកយាយអាយុ១០០ឆ្នាំ ទទួលបានសញ្ញាប័ត្រលើកដំបូង
ចន្លោះមិនឃើញ
លោកយាយម្នាក់មកពីខេត្ត Zhejiang ប្រទេសចិន ដែលមានវ័យដល់១០០ឆ្នាំទៅហើយនោះ បានជម្នះភាពមិនចេះអក្សរ ដោយចូលរៀនរហូតប្រលងជាប់ទទួលសញ្ញាប័ត្រលើកដំបូងរបស់ខ្លួន។
តាមរយៈការចូលរៀនថ្នាក់បង្រៀនអក្សរសាស្ត្រក្នុងសហគមន៍ Sanbao លោកយាយដែលមានឈ្មោះ Zhao Shun រូបនេះ អាចចេះចាំជាង១០០តួអក្សរ មានសមត្ថភាពអាចប្រលងជាប់ ទទួលសញ្ញាប័ត្រ។
ក្នុងកម្មវិធីសិក្សាដែលមានរយៈពេល១០ថ្ងៃប៉ុណ្ណោះ ហើយ១ថ្ងៃមានរយៈពេល២ម៉ោងនេះ លោកយាយបានខិតខំយកចិត្តទុកដាក់លើការរៀនសូត្ររហូតបានប្រលងជាប់។
កាលពីនៅកុមារ លោកយាយមិនដែលបានចូលរៀនឡើយ ដោយសារត្រូវលក់បន្លែដើម្បីជីវភាពគ្រួសារ។ កូនប្រុសច្បងរបស់លោកយាយដែលបានបញ្ចប់ថ្នាក់កម្រិតបរិញ្ញាបត្របាននិយាយថា៖ "ម្ដាយរបស់ខ្ញុំដឹងអំពីភាពលំបាកនៃភាពមិនចេះអក្សរនេះ ហេតុនេះហើយគាត់បានផ្ចុងផ្ដើមឲ្យពួកយើងជាកូន អាចរៀនបានទាំងអស់គ្នាដើម្បីគេចចេញពីភាពល្ងង់ខ្លៅ"។
ចុចអាន៖ ស្នេហ៍ស្មោះកម្រជួប! លោកតាទំពាអាហារ១១ឆ្នាំបញ្ចុកលោកយាយ
ប្រែសម្រួល៖ មាន រតនា ប្រភព៖ shanghaiist