បែកធ្លាយព័ត៌មាន Prius សេរី ២០១៦ រាងស្អាតនិងស៊ីសាំងតិចជាងមុន

2015-07-17 13:00:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះមានព័ត៌មានបែកធ្លាយនៅលើគេទំព័របស់តៃវ៉ាន់ (mobile.autonet.com.tw) ពីរថយន្តម៉ូដែលថ្មីរបស់ក្រុមហ៊ុន Toyota គឺ Toyota Prius ស៊េរីឆ្នាំ ២០១៦។

តាមរូបភាពដែលបានបែកធ្លាយនោះគឺបានបង្ហាញថា រូបរាងរបស់វាគឺត្រូវបានរចនាដោយមានមានរូបរាងស្រដៀងទៅនឹងរូបរាងដើមរបស់ Prius ជំនាន់មុន និងមានចំណុចមួយចំនួនគឺដូចទៅនឹងម៉ូដែល Toyota Mirai ដែរ។

ព័ត៌មានបែកធ្លាយនោះបានឲ្យដឹង Prius សេរី ២០១៦ នេះគឺមានពីរស៊េរី មួយពណ៌បៃតង ជាប្រភេទ Hybrid Prius និងមួយទៀតគឺពណ៌ខៀវ ជាប្រភេទ Plug-in Variant ហើយទាំងពីរប្រភេទនេះគឺមានការរចនាខុសគ្នានៅផ្នែកខាងមុខ។

លក្ខណៈពិសេសមួយទៀតនោះគឺ Prius សេរីថ្មីនេះគឺអាចសន្សំសំចៃប្រេងបានដល់ទៅ ៨ % ដោយក្នុងមួយលីត្រអាចបើកបានចម្ងាយប្រហែលជា ២៣ គ.ម។ ចំពោះកម្លាំងម៉ាស៊ីនវិញ Prius សេរីថ្មីនេះមានកម្លាំងម៉ាស៊ីនប្រហែលជា ១៤៥ សេស ដោយសេរីមុនត្រឹមតែ ១៣៤ សេសតែប៉ុណ្ណោះ។

រីឯរូបរាងរបស់វាវិញក៏ប្រហែលជាមានការផ្លាស់ប្ដូរដែរ ដោយ Prius ឆ្នាំ ២០១៦ គឺប្រហែលជាធំជាងមូដែលមុន តែទម្ងន់គឺស្រាលជាង ដោយម៉ូដែលឆ្នាំ ២០១៥ មានទម្ងន់ ១៣៧៩ គ.ក ចំណែក ម៉ូដែលឆ្នាំ ២០១៦ ប្រហែលជាមានទម្ងន់ត្រឹមតែ ១២៨៩ គ.ក តែប៉ុណ្ណោះ។ ប្រភពបានបញ្ជាក់ថា Prius សេរីថ្មីនេះនឹងបង្ហាញក្នុងកម្មវិធីពិព័ណ៌ Tokyo Motor Show ក្នុងខែវិច្ឆិកាខាងមុខនេះ៕