Lexus ES ស៊េរី ០១៦ រាងកាន់តែប្លែក និងប្រព័ន្ធសុវត្ថិភាពរឹតតែទំនើប

2015-07-18 19:35:01
ចំនួនមតិ 0 | ចំនួនចែករំលែក 0

ចន្លោះមិនឃើញ

Lexus ESស៊េរី ២០១៦ ត្រូវបានបានរចនារាងប្លែក និងបំពាក់ប្រព័ន្ធសុវត្ថិភាពថ្មី កាន់តែប្រសើរជាងស៊េរី Lexus ស៊េរីមុនៗ។

កាង និងចង្កៀង LED នៅផ្នែកខាងមុខរថយន្ត ត្រូវបានផ្លាស់ប្តូរស្រស់ស្អាតប្លែកជាងមុន ដែលធ្វើឱ្យ Lexus ES នេះកាន់តែមានភាពទាក់ទាញ។ ដៃប្រអប់លេខ និងចង្កូតគឺត្រូវបានផ្លាស់ប្តូរ និងមានបន្ថែមពណ៌ជាច្រើនសម្រាប់ជ្រើសរើសទៀតផង។ ចំណែកឯប្រព័ន្ធសុវត្ថិភាពផ្សេងទៀតដែលត្រូវបានបំពាក់បន្ថែមដើម្បីបង្ការគ្រោះថ្នាក់ដល់អ្នកដំណើរក្នុងរថយន្ត មានដូចជា Pre-collision system, Lane departure alert, Intelligent high-beam control និង Adaptive cruise control។

បច្ចេកវិទ្យាថ្មីមួយទៀតដែលបំពាក់លើ Lexus ស៊េរី ០១៦នេះ គឺមុខងារ Lexus Enform Service Connect ដែលអនុញ្ញាតឱ្យម្ចាស់រថយន្តប្រើកម្មវិធីមួយសម្រាប់ iOS សម្រាប់ផ្តល់ដំណឹងអំពីដំណើរការម៉ាស៊ីនរថយន្ត។

Lexus ESស៊េរី ០១៦នេះមានពីរប្រភេទគឺ Lexus ES 350 ជាប្រភេទរថយន្តធម្មតា ប្រើម៉ាស៊ីនប្រភេទ V6 ទំហំ 3.5លីត្រ និងមានកម្លាំងម៉ាស៊ីន ២៦៨សេះ និងមានតម្លៃប្រហែលជាង ៣ម៉ឺនដុល្លារ (៣៨ ៩៤០ដុល្លារ)។ ចំណែកឯមួយម៉ូដែលទៀតគឺ Lexus ES 300h ជាប្រភេទរថយន្ត Hybrid ប្រើម៉ាស៊ីន V4 ទំហំ 2.5លីត្រ និងមានកម្លាំងម៉ាស៊ីន ២០០សេះ និងមានតម្លៃប្រហែលជាង ៤ម៉ឺនដុល្លារ (៤១ ៨៦០ដុល្លារ)។

ចំពោះកាលបរិច្ឆេទដាក់លក់ប្រភពពុំទាន់បានបញ្ជាក់នៅឡើយទេ៕